Búgin dúnıejúzilik jazýshylar kúni. Osy oraıda Qamshy.kz aqparat agenttigi shetel jáne qazaq jazýshylary jaıly qyzyqty derekterdi nazarlaryńyzǵa usynady.

Onore de Balzak

Ol keıipkeriniń ólimin sýrettep jazý úshin ózi ólgen sekildi keıip tanytatyn bolǵan. Sondaı sáttiń birinde bólmege kirgen kútýshisi: "Myrza ólim aldynda!" - dep aıǵaılap kómek suraıdy. Kútýshi áıel Balzakty ólim aldynda dep oılaǵan. Al Balzak basyn kótere sala: "Men emes Gorıo ákeı óleıin dep jatyr",- depti.

Anton Chehov

Onyń negizgi mamandyǵy – dáriger. Sondyqtan ol únemi: "Medısına – meniń zańdy áıelim, al ádebıet – naqsúıerim", – dep qaljyńdaǵan.

Edgar Allan Po

Jazýshy bala kezinde esep shyǵarýdy zırat basynda úırengen. Oqyǵan mektebiniń jaǵdaıy tómen bolǵan. Sol sebepti matematıka muǵalimi ólgen adamdardyń qansha jyl ómir súrgenin eseptep shyǵýy úshin balalardy zıratta oqytqan.

Djonatan Svıft

Ol "Gýllıverdiń saıahattary" kitabynda  spýtnıkterdiń ólshemi men aınalý jyldamdyǵyn ǵalymdardan 100 jyl buryn dálme-dál jazyp ketken.

Júsipbek Aımaýytov

Onyń qyzy kóp ýaqytqa deıin óz esimin Marıa dep oılap kelgen. Alaıda shyn aty Márýa ekenin ákesiniń hattaryn zerttegen tarıhshylardan bilgen. 

Ilás Esenberlın

Ataqty "Kóshpendiler" trılogıasyn sońǵy 3 tomynan bastap jazǵan.

Ǵabıt Músirepov

Jazýshynyń "Ulpan" romanyndaǵy Shynar men Músirep – ata-ájesiniń prototıpi bolǵan. 

Muhtar Áýezov

Senzýraǵa ushyramas úshin "Abaı joly" romanynyń kóp bóligin qaıta jazyp shyqqan.