Japonıa 35 jyldan keıin araldaryn qaıta sanady. CNN arnasynyń habarlaýynsha, aral sany burynǵy esepke qaraǵanda 7 myńǵa artyq bolyp shyqqan.

Japonıanyń memlekettik geokeńistiktik aqparat palatasy (GSI) zertteý júrgizip, el aýmaǵynda 14 125 aral bar ekenin anyqtady. Bul burynǵy boljamnan eki esege artyq. Japon bıligi eldegi araldardy sońǵy ret 1987 jyly sanaǵan. 

GSI óz baıandamasynda tehnologıanyń damýyna jáne sıfrlyq karta dáldiginiń artýyna baılanysty derekter ózgergenin atap kórsetedi.

"El aýmaǵy ózgermedi, jańa nemese jasandy araldar engizgen joqpyz. Tolyqqandy aral dep taný úshin jer ýchaskesiniń aýdany qandaı bolýy kerek ekenin anyqtaıtyn biryńǵaı halyqaralyq sharttar joq. Sondyqtan osydan 35 jyl burynǵy ólshemderdi qaıta qoldandyq",  dep habarlaıdy zertteý agenttigi.

Biraq Japonıa ózge memleketter talasqan keıbir araldarǵa qatysty daýdy áli sheshe almaı keledi.