Elimizde endi baǵdarshamnyń sary belgisi janyp turǵan kezde jolda júrýge tyıym salynady. Iaǵnı, Sergek kameralary baǵdarshamnyń sary belgisinde júrgen kólikterdi anyqtap, júrgizýshilerge aıyppul salady. Óıtkeni jol apattarynyń kóbi sary belgi janǵanda bolady. 

- Baǵdarshamnyń sary belgisi qozǵalysqa tyıym salady, al jypylyqtaǵan jasyl belgi endi tyıym salý belgisiniń iske qosylatynyn eskertedi. Mundaı zań buzýshylyqtar kameraǵa jazylyp, kólik ıesine avtomatty túrde aıyppul salynady, – deıdi Astana polısıa departamenti. 

    Elimizdiń úshinshi megapolısi Shymkentte ázirge mundaı tártip joq. Biraq polıseıler sáýir-mamyr aılarynda shymkenttik júrgizýshilerge de osy úshin aıyppul salynatynyn aıtty.

    Al aıyppul mólsherine kelsek, baǵdarshamnyń sary túsinen ótkenderge 36 920 teńge aıyppul salynady. Al 1 jyl ishinde osy zańbuzýshylyqty qaıtalasa, aıyppul somasy úsh ese ósip, 110 760 myń teńge tóleıdi.