Ár ulttyń ulttyq kıimi – ulttyq bolmysynyń kórinisi. Ult kıimi arqyly sol ulttyń tarıhy, mádenıeti syr shertedi. Sonymen qatar, qazaq halqynyń ulttyq kıimi – urpaqtan-urpaqqa sabaqtasyp kele jatqan, eldiń ǵasyrlar boıy qalyptasqan sezimtaldyq talǵamyn, sándikke, úılesim birligine, kórkemdikke umtylǵan jasampazdyǵy men shyǵarmashylyǵynyń jetistikterin boıyna sińirgen qubylys. Onyń qaı-qaısymyzdyń bolsa da, ulttyq maqtanysh sezimimizdi oıatatyny belgili. Umyt bolǵan muranyń sabaqtastyǵyn jańǵyrtý maqsatynda «Eń ádemi kıim — ultyńnyń kıimi» atty is-sharasy arqyly ál-Farabı atyndaǵy QazUÝ, JOO-ǵa deıingi bilim berý fakúlteti https://farabi.university/JOǴARY OQÝ ORNYNA DEIİNGİ DAIYNDYQ KAFEDRASY qazaqtyń ulttyq kıimderin óskeleń urpaqqa nasıhattaýdy maqsat etýdi qolǵa alyp 2023 jyldyń qazaq aıynan bastap aptanyń ár jumasynda ulttyq kıimderdi nasıhattaý is-sharasyn ótkizip keledi. JOO-ǵa deıingi bilim berý fakúltetiniń JOǴARY OQÝ ORNYNA DEIİNGİ DAIYNDYQ KAFEDRASYNDA jańdanyp otyrǵan úrdis  búgin zamanaýı jańasha ataýmen jalǵasyn tapty. JOǴARY OQÝ ORNYNA DEIİNGİ DAIYNDYQ KAFEDRASYNYŃ oqytýshy profesor quramy jáne top kýratorlary «Bauyrsaq paty» dastarhanyn jaıdy.

İs-sharanyń maqsaty: ulttyq dástúrimizdi, qonaqjaılyq pen meıirimdilikti dáripteý, aınaladaǵylarǵa kóterińki kóńil-kúı syılaı otyryp, ystyq baýyrsaq arqyly ystyq yqylas, jyly lebizderin sezindirý. Sondaı-aq is-sharada fakúltet tyńdaýshylary qazaqtyń ulttyq ánderin oryndap sharanyń kórkin qyzdyra tústi.  Máselen Erkin Ersinniń  Jetisý óńiriniń maqamymen dástúrli ándi naqyshyna keltire oryndaǵyny dúıim jurttyń kóńilinen shyqty.

Osylaısha tarıhı baı mádenı muramyzdy jastar jadynda máńgi qaldyryp, urpaqtan urpaqqa amanat etpekpiz.

JOO-ǵa  deıingi bilim berý daıyndyq
kafedrasynyń  oqytýshylary:
Mýjıgova Gúlnázıra, Ibraımova Jibek,
25-top tyńdaýshysy Qaıyrqyzy Aıbıbı