Túrkıalyq aqparat quraldary qulatylǵan reseılik Sý-24 ushaǵyna jasalǵan eskertýdiń aýdıojazbasyn jarıalady, - dep habarlaıdy "The First News" aqparattyq agenttigi Haberler.com saıtyna silteme jasap.
Aýdıojazbada F-16 joıǵyshynyń ushqyshy aǵylshyn tilinde "Sizder Túrkıa áýe keńistigine jaqyndap kele jatsyzdar. Baǵyttaryńyzdy dereý ońtústikke ózgertińizder" dep eskertý jasaǵany jazylǵan.
Buǵan deıin Túrkıanyń Bas shtaby reseılik bombalaýshynyń joıylǵanǵa deıin túrkıalyq taraptan 10 ret eskertý alǵanyn habarlaǵan edi. Sý-24 ushaǵy Túrkıa shekarasynyń áýe keńistigin buzýǵa 15 mıl (24,1 shaqyrym) qalǵanda alǵashqy eskertýdi alǵan. Basylymnyń málimetinshe, eskertý ár 2 mıl (3,2 shaqyrym) saıyn jasalypty, degenmen ushqyshtar ony elemegen.
Eske sala keteıik, Túrkıanyń áýe kúshteri Sırıamen shekaralas aımaqta belgisiz áskerı ushaqty atyp túsirgen bolatyn. Keıin onyń reseılikSý-24 ekeni anyqtaldy. Ushqyshtardyń biriniń qaza tapqany belgili boldy.
