Mańǵystaý oblysy Munaıly aýdanynda dárethana qaǵazyn shyǵaratyn jańa seh iske qosyldy, - dep habarlaıdy «Qamshy» portaly.
Jańa seh «Aqtaý qaǵaz zaýyty» JSHS janynan ashylyp otyr.
«Biz 2007 jyldan beri medısınalyq qaldyqtardy joıýmen aınalysyp kelemiz. Kóptegen kásiporyndar men mekemelerden makýlatýralardy joıý týraly usynystar kelip tústi. Úlken kólemdegi qaǵazdardyń tekten tekke joıylatynyn oılaǵan men olardy qaıta óńdeý týraly oıǵa keldim. Sóıtip, arnaıy qurylǵy satyp aldym. Dárethana qaǵazyn shyǵarýǵa memlekettik organdardan jáne munaı kompanıalarynan qundylyǵy joıylǵan qujattardy tegin alyp paıdalanamyz»deıdi kásiporyn basshysy Suńǵat Edilbaev.
Qazirgi tańda zaýyt táýligine 8 saǵat jumys istep tur. Jaqyn kúnderi kásipker óndiris kólemin ulǵaıtyp, jumyskerlerdiń sanyn ulǵaıtýdy jáne seh jumysyn táýlik boıy júrgizýdi josparlap otyr.
