Telefonmen áńgimelesýge Túrkıa tarapy bastamashylyq etti, - dep habarlaıdy «Qamshy» portaly Aqorda baspasóz qyzmetine silteme jasap.

Memleketter basshylary ekijaqty qarym-qatynas ahýaly men negizgi basymdyqtardy, sondaı-aq birqatar óńirlik jáne halyqaralyq ózekti máselelerdi talqylady.

Taraptar Sırıadaǵy daǵdarystyq jaǵdaı men reseılik Sý-24M ushaǵyna qatysty oqıǵa jóninde pikir almasty.

Qazaqstan Prezıdenti bolǵan oqıǵaǵa baılanysty ókinish bildirip, Reseı-Túrkıa qarym-qatynasy nasharlaýyna alańdaýshylyǵyn jetkizdi. Memleket basshysy bul baılanystar uzaq jyldar boıy qalyptasqandyqtan, ony saqtap qalý úshin taraptar jaýapkershilik tanytýy qajettigin atap ótti. Osyǵan baılanysty oqıǵanyń mán-jaıyn anyqtap, qalyptasqan jaǵdaıdan shyǵý joldaryn izdestirý úshin ekijaqty komısıa qurý usynyldy.

R.Erdoǵan óz kezeginde Reseı Prezıdenti V.Pýtınmen taıaý arada kezdesýge daıyn ekenin aıtty.

Nursultan Nazarbaev jaǵdaıdy ýshyqtyrmaý úshin taraptar múmkindiginshe barlyq sharany qoldanady dep úmittenetinin bildirdi.