7 jasar qazaqstandyq Azamat Nuqaev mentaldy arıfmetıka boıynsha onlaın-jarystarda birinshi oryndy ıelendi, dep jazady baistars.kz.
Jas genıı 5000 stýdentti shań qaptyrǵan. Olardyń ishinde Malaızıa men Avstralıadan tájirıbeli qarsylastar bolǵan dep habarlaıdy Advance ıntellektýaldy damý ortalyǵynyń baspasóz qyzmeti.
Azamat 69 myń tapsyrmany durys sheshe alǵan.
«Búginde ıntellektýaldy jáne jeke damý máselesi kún sanap mańyzdy bolýda, sebebi biz sandyq, jedel dáýirde ómir súremiz. Álem qarqyndy túrde ózgerip jatyr. Qoǵam jańa formatta oı órbite alatyn, damyǵan synı kózqarasy bar adamdarǵa qajettilkiti sezinýde», - deıdi ortalyq mamandary.
Mentaldy arıfmetıka bilim berý baǵdarlamasy retinde 22 jyl boıy tirshlik etip keledi. Júıe oısha kálkýlátordan jyldam eseptep, balalardyń ıntellektýaldy múmkindikterin damytýǵa baǵyttalǵan. Álemniń 56 elinde 5 mıllıonnan astam bala osy tásilmen bilim alýda.
Pikir qaldyrý