Tanymal estrada ánshisi Qaırat Nurtas Qazaq radıosy stýdıasynda bolyp, tyńdarmandardyń suraqtaryna jaýap berdi, - dep habarlaıdy «Qamshy» portaly «Qazaqstan» RTRK-na silteme jasap.

Qazaq radıosynda tikeleı efırde suhbat berýi ártistiń jankúıerleri úshin tamasha tosyn syı boldy. Qysqa kezdesý barysynda Qaırat radıo tyndarmandarymen áńgimelesip, óziniń óneri jaıynda biraz baıandap berdi.

 Tyndarmandarǵa belgili bolǵandaı Qaırattyń sahnaǵa alǵash ret shyǵyp oryndaǵan áni – «Arý ana» áni edi. Áńgime  barysynda Qaırat oryndaýynda 300-den astam áni bar eken, sol ánder jınaǵyn Qazaq radıosynyń mýzykalyq qoryna tapsyrýǵa ýáde berdi.

 Qaırat Nurtastyń jankúıerleri birinshi bolyp ártistiń jeke ózinen aldaǵy Astana-Arena stadıonynda ótetin konsertke daıyndyq barysy jaıynda estý múmkindikteri boldy. Qaırat óziniń shyǵarmashylyq keshine Indıra Elemes, Núsha, Tımatı, Sergeı Lazarev, «Reflex» toby jáne t.b. shaqyrǵan edi. Eske sala óteıik, osy jyldyń aýqymdy sharasynyń basty uıymdastyrýshylary «Qazaqstan» teleradıokorporasıasy jáne «Sapa Media group».

 Tikeleı efırde Qaırat Nurtasqa eń jaqsy qoıylǵan suraq úshin tyńdarmanǵa aldaǵy ótetin Qaırattyń konsertine 2 bılet syıǵa tartyldy. Atalǵan bıletterdiń ıesi Qazaq radıosynyń turaqty tyndarmany, Qulsarynyń turǵyny Dúısenáli aǵa bolyp tabyldy.

 Qaırat Nurtas 12-jeltoqsanda Astana qalasynyń Astana-Arena stadıonynda jáne 17-18 jeltoqsanda Almaty qalasy Balýan Sholaq atyndaǵy sport saraıynda bolatyn umytylmas konsertiniń kýási bolýǵa shaqyrady.