Reseı basshysy V. Pýtın Túrkıa bıliginniń Sý-24 ushaǵyn atyp qulatýǵa májbúrlegen sebepterdi málimdedi, - dep habarlaıdy «Qamshy» portaly.

«Bizdiń qolymyzǵa qosymsha málimetter túsip otyr. Ókinishke oraı, ol málimetter DAISH yqpalyndaǵy aımaqtardan munaı ónimderi iri kólemde, ónerkásiptik masshtabta Túrkıa aýmaǵyna jetkiziletinin rastap otyr. Biz osyǵan qarap, Túrkıa bizdiń ushaǵymyzdy Túrkıaǵa munaı tasý joldarynyń qaýipsizdigin qamtamasyz etý maqsatynan týdy dep aıta alamyz» dedi V. Pýtın Parıjdegi ekologıa taqyrybyndaǵy konferensıadan soń ótkizgen baspasóz máslıhatynda.

Sondaı-aq, V. Pýtın Reseı ushaǵyn atyp qulatý týraly sheshimdi Túrkıa Prezıdentiniń ózi qabyldady dep oılamaıtynyn da aıtqan.

Esterińizge salsaq, 24 qarasha kúni Túrkıa áskerı áýe kúshteri Sırıadaǵy DAISH sodyrlarynyń nysandaryn bombalap júrgen reseılik Sý-24 ushaǵyn atyp qulatqan edi.