Belgili boksshy, sport sheberi, birneshe dúrkin Qazaqstan chempıonatynyń jeńimpazy  Murat Quralbaev  negizsiz aıyptalyp, túrmege qamalýy múmkin.

Bul týraly «Qamshy» portaly sports.kz – ke silteme jasap habarlaıdy.

Murat Quralbaev Taraz qalasynda somasy 1,6 mln teńge urlady degen kúdikpen ustaldy. Quqyq qorǵaý organdary atalmysh fakti boıynsha boks chempıony men taǵy úsh adamdy qolǵa túsirdi.

Onyń bapkeri men týystary Muratta 100 paıyzdyq  ózin aqtaıtyn aıǵaǵy baryn aıtady. Ony kýágerlerdiń aıǵaqtarymen ǵana emes, «Antıýgon» júıesi túsirgen sýretterimen de rastaýǵa bolady. Jábirlenýshi (Qyrǵyzstan azamaty) men qylmys jasady dep tanylǵan qylmysker Murat Quralbaevtyń aıybyn teriske shyǵarýda. Alaıda tergeý organdary chempıonnyń kinásizdigin dáleldeıtin faktilerdi nazarǵa almaýda.

Murattyń týysqandary  Quralbaevtyń isin júrgizetin tergeý brıgadasynyń olarda bultartpaıtyn dálelderdiń bolǵanyna qaramastan, kúdiktilerdiń isin aıyptaý úkimine deıin jetkizgen kóptegen jaǵdaılaryn biletinin málimdedi.