Qyrǵyz sheneýnikteri ár seısenbi saıyn tańǵy «Bırınchı radıo» efırinen el premer-mınıstri Temır Sarıevtiń sózin tyńdaýǵa mindetteldi. Úkimet apparaty basshysynyń birinshi orynbasary Murat Muqambetov osyndaı nusqaýdy vedomstvolarǵa jáne oblystyq ákimshilikterge joldady, - dep habarlaıdy «Qamshy» portaly osy eldegi QazAqparatqasilteme jasap.
Qyrǵyz Úkimetinen málimdegendeı, mınıstrlikter qyzmetkerleri premer-mınıstrdiń sózin ulttyq radıo efırinen tyńdaýy kerek. Ol ár seısenbi saıyn tańerteńgi 9-10 aralyǵynda sóz sóıleıdi.
Bilim mınıstrligi bul jańashyldyqty másele týyndaı qalǵan sátte jedel áreket etý úshin qajet shara dep biletinin másimdedi.
«Premer tikeleı efırde halyqpen tildesip otyrady, qandaı da bir shaǵym tússe, ol tıisti organǵa osy máseleni sheshý týraly tapsyrma beredi. Sol sebepti biz úkimet basshysynyń tapsyrmalaryn radıo arqyly tyńdap otyrýymyz kerek. Bul birinshi kezekte baspasóz qyzmetkerleri men basshylarǵa qatysty tapsyrma», - dep habarlady vedomstvodan.
