Búgin Almatyda qala ákimi Baýyrjan Baıbektiń tóraǵalyǵymen qalalyq aktıvtiń otyrysy ótti. Jıyn barysynda «Qazaqstan jańa jahandyq naqty ahýalda: ósim, reforma, damý» jańa joldaýy talqylandy. Bul týraly «Qamshy» portaly QazAqparatqa silteme jasap habarlaıdy.

Qala ákimi búdjettiń ońtaılandyrylýyna baılanysty qalada júzege asyryatyn jobalardy tilge tıek etti. Ákimniń aıtýnysha, keler jyly áleýmetik nysandar mektep, aýrýhana, balabaqshanyń qurylysyna memlekettik ınvestısıa kólemi 70 mlrd teńgege azaıady. 

«Alaıda, biz 75 mlrd teńge jeke ınvestısıalar tartýdy kózdep otyrmyz. 25 mlrd teńge somasyna bıznespen kelisimge otyrdyq. Bul memelkettiń aqshasy emes, bıznestiń áleýmettik jaýapkershiligi», - dedi ákim.
Qala basshysynyń aıtýynsha, keler jyly qalada 14 balabaqsha boı kóteredi. Olardyń kópshiligi Naýryzbaı, Alataý aýdandarynda salynady. Sondaı-aq, 3 mektep, sport alańy, emhana turǵyzylmaq. 

Baýyrjan Baıbek jaqynda Memleket basshysy kórgen № 125 balabaqshany da atap ótti. Atalǵan áleýmettik nysan bar joǵy 3 aıda salynyp bitken. 

«Osynsha qysqa ýaqyt ishinde barlyq normalarǵa sáıkes ǵımarat salynady degenge senbep edim. Bizdiń mindet - olarǵa jumys taýyp berý», - dedi B.Baıbek.