Almatynyń qoǵamdyq kólikterine engizilgen «Ońaı» elektrondy bılettendirý júıesine qala turǵyndarynyń shaǵymy kóbeıýde, - dep habarlaıdy «Qamshy» portaly «Almaty elektr kóligi» JSHS-nyń baspasóz qyzmetine silteme jasap.

Baspasóz qyzmetindegiler elektrondy júıe engizilgeli beri turǵyndardan kompanıanyń WhatsApp jelisindegi 8 705 174 5031 nómirine júzden astam shaǵym kelip túsken.

«Kúni búginge deıin qaladaǵy jolaýshylardan júrgizýshilerdiń aqsha jınaıtyny týraly 119 shaǵym kelip tústi. Onyń 14-i mýnısıpaldy avtoparktiń avtobýstary men troleıbýstaryna qatysty, qalǵany basqa tasymaldaýshy kompanıalardyń jumysyna qatysty», - delingen habarlamada.

Kompanıa ókilderi atalǵan shaǵymdardyń jerde qalmaıtynyn, árbir aıypty tártiptik keńeste qaralyp, jazalanatynyn aıtýda.

Aıta keter bolsaq, Almaty qalasyndaǵy qoǵamdyq kólikter 11 qańtardan bastap  «Ońaı» elektrondy bılettendirý júıesine kóshti. Arnaıy elektrondy karta almaǵan jolaýshylar áli kúnge jol aqysyn avtobýs júrgizýshileri men kondýktorlarǵa tóleýde.