Almaty qalasynda qarjylyq alaıaqtyqpen aınalysqan kelinshek ustaldy, - dep habarlaıdy «Qamshy» portaly qalalyq İİD-i baspasóz qyzmetine silteme jasap.
Qolǵa túsken 42 jastaǵy Ǵanıat Kısıkova ózin laqap aty Hamıtova Dana dep tanystyryp kelgen.
Medeý aýdandyq İİB-ne jergilikti turǵyn Ǵanıat Kısıkovanyń ústinen aryzdandy. Onyń aıtýynsha, azamatsha Kısıkova oǵan tómen paıyzben kóp kólemde nesıe alyp berem dep aldap, 500 myń teńgesin qaǵyp alǵan. Odan keıin habarlaspaı izim-qaıym joǵalǵan. Belgili bolǵandaı, taǵy 35 adam Hamıtova Dana (laqap at) esimdi kelinshektiń arbaýyna túsip qalǵandyǵyn aıtyp júgingen.
Aýdandyq İİB basshysy Erlan Oralbekovtiń aıtýynsha, qazir kúdikti qamaýǵa alynǵan.
