Osy aptada elimizdiń ortalyq jáne jergilikti atqarýshy organdarynda birqatar kadrlyq taǵaıyndaý júrgizildi. Senat Tóraǵasynyń orynbasary saılanyp, jańadan qurylǵan jergilikti polısıa qyzmetiniń óńirlerdegi basshylary jańa qyzmetterine kiristi. Munan bólek, Sybaılas jemqorlyqqa qarsy ulttyq búronyń oblystardaǵy, Astana men Almaty qalalaryndaǵy aýmaqtyq departamentteriniń (Sybaılas jemqorlyqqa qarsy qyzmet) basshylary taǵaıyndaldy. "Qamshy" portaly QazAqparatqa silteme jasap apta ishinde oryn alǵan osy jáne ózge de taǵaıyndaýlarǵa sholý jasaıdy.
Sonymen, Memleket basshysy Nursultan Nazarbaevtyń Ókimimen Marat Saparuly Ósipov Qazaqstan Respýblıkasy Ulttyq qaýipsizdik komıteti Tóraǵasynyń orynbasary qyzmetine taǵaıyndaldy. Buǵan deıin Marat Saparuly Almaty qalalyq ulttyq qaýipsizdik komıteti departamentiniń basshysy boldy. Sondaı-aq, ol UQK ortalyq apparaty konstıtýsıalyq qurylymdy qorǵaý jónindegi departamenttiń jetekshisi bolyp qyzmet atqardy.
Al, Parlament Senatynyń jalpy otyrysynda senator Sergeı Gromov Senat tóraǵasynyń orynbasary qyzmetine saılandy. S. Gromov 1959 jyly 6 qańtarda týǵan, ulty - orys. Bilimi joǵary. Jambyl gıdromelıorasıa-qurylys ınstıtýtyn, Almatynyń polıtologıa jáne basqarý ınstıtýtyn, «Aýlıe-Ata» ýnıversıtetin bitirgen, ekonomıka ǵylymdarynyń kandıdaty. Ár jyldary: asıstent, oqytýshy, Instıtýttyń komsomol hatshysy raıkomnyń birinshi hatshysy, sovhoz partkomynyń hatshysy, bas dırektor, aýdan ákimi, Ońtústik Qazaqstan oblysy ákiminiń birinshi orynbasary, Prezıdent Ákimshiliginiń ınspektory, «Nur Otan» halyqtyq-demokratıalyq partıasynyń Ortalyq apparatynyń jetekshisi, «Nur Otan» halyqtyq-demokratıalyq partıa tóraǵasynyń orynbasary, «Nur Otan» halyqtyq-demokratıalyq partıasynyń hatshysy, Qazaqstan Respýblıkasynyń Qorǵanys mınıstriniń orynbasary bolyp jumys atqarǵan.
Qazaqstan Respýblıkasy Úkimetiniń 2016 jylǵy 11 qańtardaǵy qaýlysyna sáıkes Qazaqstan Respýblıkasy Memlekettik qyzmet isteri vıse-mınıstr laýazymdaryna Aıgúl Shaıymova jáne Inna Ahmetovalartaǵaıyndaldy
A.Shaıymova 1979 jylǵy 12 qańtarda dúnıege kelgen. L.Gýmılev atyndaǵy EUÝ-di, Qarjy polısıasy akademıasyn bitirgen. Osy ýaqytqa deıin elimizdiń qarjy polısıasynda jums istegen. Atalǵan vedomtsvonyń quqyqtyq qamtamasyz etý jáne halyqaralyq baılanys basqarmasynyń kishi ınspektory, ınspektory, aǵa ınspektory, asa mańyzdy ister jónindegi aǵa ınspektory bolǵan. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń apparat basshysy qyzmetin atqarǵan. İİ dárejeli «Dańq» ordenimen, «Eren eńbegi úshin» medalimen, «Qazaqstan Respýblıkasynyń Konstıtýsıasyna 10 jyl», «Astananyń 10 jyldyǵy» «Qazaqstan Respýblıkasynyń táýelsizdigine 20 jyl» merekelik medaldarymen, sondaı-aq qarjy polısıasy jáne prokýratýra organdarynyń vedimistik medaldarymen nagradtalǵan.
Almaty qalasynda 1974 jyly dúnıege kelgen Inna Ahmetova Abaı atyndaǵy Qazaq ulttyq pedagogıkaoyq ýnıversıtetin bitirgen. Joǵary oqý ornyn aıaqtaǵannan keıin Almaty qalasy Jetisý aýdandyq ákimdiginde jumys istegen. 1999 jyly QR Prezıdenti Ákimshiligine aýysyp, aǵa referent, konsýltant, memlekettik-quqyq bóliminiń sektor meńgerýshisi, bólim meńgerýshisi bolǵan.
Shyǵys Qazaqstanda ekonomıka salasyna jetekshilik jasaıtyn oblys ákimniń orynbasary bolyp Qýat Tumabaev taǵaıyndaldy. Ol osyǵan deıin SHQO ekonomıka jáne búdjettik josparlaý basqarmasyn basqarǵan. Q.Tumabaev 1980 jyldyń 30 qazanynda Semeı qalasynda dúnıege kelgen. Qazaq, orys jáne aǵylshyn tilderin meńgergen. Shákárim atyndaǵy Semeı memlekettik ýnıversıtetin, Qazaq gýmanıtarlyq zań ýnıversıtetin bitirgen. QR Ekonomıka jáne búdjettik josparlaý mınıstrliginiń ınvestısıalyq saıasat jáne josparlaý departamentindegi búdjettik ınvestısıalardy josparlaý basqarmasy bastyǵynyń orynbasary, QR Ekonomıkalyq damý jáne saýda mınıstrliginiń Aımaqtyq damý komıteti tóraǵasynyń orynbasary, QR Ekonomıkalyq damý jáne saýda mınıstrliginiń Investısıalyq saıasat departamentiniń dırektory bolyp jumys atqarǵan.
QR İİM Tótenshe jaǵdaılar komıtetiniń tóraǵasy bolyp Vladımır Bekker taǵaıyndaldy. Azamattyq qorǵaý polkovnıgi V.Bekker 1965 jylǵy 18 qarashada Semeı oblysy Úrjar aýdanynyń Blagodatnoe aýylynda týǵan. Almaty joǵary tehnıkalyq ýchılıshesin, Shyǵys Qazaqstan oblysy óńirlik ýnıversıtetin bitirgen. Azamattyq qorǵaý salasynda 1986 jyldyń qazan aıynan bastap qyzmet atqarady. Jańa qyzmetke taǵaıyndalǵanǵa deıin QR İshki ister mınıstrligi Tótenshe jaǵdaılar komıteti tóraǵasynyń orynbasary bolǵan. Ol İİ dárejeli «Aıbyn» ordenimen, «Qazaqstan Respýblıkasynyń táýelsizdigine 20 jyl» mereıtoılyq medalimen, İ, İİ, İİİ dárejeli «Órtke qarsy qyzmet organdaryndaǵy minsiz qyzmeti úshin» medalimen, «Tótenshe jaǵdaılardyń aldyn alýda jáne joıýda úzdik shyqqany úshin», «Tótenshe jaǵdaılar organdarynyń ardageri», «Órt sóndirý qyzmetiniń úzdigi» tósbelgilerimen, «Tótenshe jaǵdaılar organdarynyń qurmetti qyzmetkeri» ordenimen marapattalǵan.
SHQO ákimi Danıal Ahmetovtiń buıryǵymen Qatonqaraǵaı aýdanynyń ákimi bolyp Nurǵojın Ahmetqalı Ahashuly taǵaıyndaldy. A.Nurǵojın 1966 jyly SHQO Besqaraǵaı aýdanynda týǵan. Aýdan ákimi bolyp taǵaıyndalǵanǵa deıin ol SHQO aýyl sharýashylyǵy basqarmasy basshysynyń orynbasary qyzmetinde boldy.
Osy oblysqa qarasty Gýlbokoe aýdanyna 1959 jyly Shyǵys Qazaqstan oblysy, Katonqaraǵaı aýdanynda dúnıege kelgen Qalıhan Baıǵonusov ákim bolyp keldi. Ol Óskemen qalalyq jol-qurylysy ınstıtýtyn, Máskeý qalasyndaǵy Zamanýı gýmanıtarlyq ınstıtýtyn bitirgen. 1998-2001 jyldary Katonqaraǵaı aýdanynyń Belov aýyldyq okrýginde ákim bolyp jumys istedi. 2007-2011 jyldar aralyǵynda Katonqaraǵaı aýdany ákiminiń orynbasary qyzmetinde bolsa, keıinnen Besqaraǵaı aýdanyna ákim bolyp taǵaıyndaldy. 2013 jyldyń shilde aıynan 2014 jyldyń shildesine deıin SHQO tabıǵat resýrstaryn paıdalaný jáne tabıǵat paıdalanýdy retteý basqarmasyn basqarǵan. 2014 jyldyń shilde aıynan Katonqaraǵaı aýdanyna ákim bolǵan edi.
QR Úkimetiniń qaýlysyna sáıkes, Sybaılas jemqorlyqqa qarsy ulttyq búro tóraǵasynyń orynbasarlary bolyp, Alık Shpekbaev pen Talǵat Tatýbaev taǵaıyndaldy. Sondaı-aq, QR quqyq qorǵaý organdaryndaǵy kadrlyq saıasat máseleleri jónindegi QR Prezıdenti janyndaǵy komısıa men QR-nyń Premer-Mınıstri oblystar, Astana men Almaty qalalary Sybaılas jemqorlyqqa qarsy ulttyq búro aýmaqtyq departamentteriniń (Sybaılas jemqorlyqqa qarsy qyzmet) basshylaryn taǵaıyndaýdy kelisti. Sonymen mynadaı aýmaqtyq bólimsheler basshylary taǵaıyndaldy: Astana qalasy boıynsha - Ázbergenov Dýlat Baıdalyuly; Almaty qalasy boıynsha - Óteev Shattyq Tynymbaıuly; Aqmola oblysy boıynsha - Isaqov Nurjan Ázimhanuly; Aqtóbe oblysy boıynsha - Sýntaev Qaırat Imátuly; Almaty oblysy boıynsha -Potanın Sergeı Aleksandrovıch; Atyraý oblysy boıynsha - Ahmetjanov Marat Muratuly; Shyǵys Qazaqstan oblysy boıynsha - Dosanov Ǵalymbek Nurmyhanuly; Jambyl oblysy boıynsha - Qojabaev Maqsat Amanqululy; Batys Qazaqstan oblysy boıynsha - Áshirbaev Ádilhan Qasymhanuly; Qaraǵandy oblysy boıynsha - Ibraımov Erjan Kebekovıch; Qostanaı oblysy boıynsha - Ýsenov Danıar Bekbergenuly; Qyzylorda oblysy boıynsha - Qarymsaqov Murat Sekeshuly; Mańǵystaý oblysy boıynsha -Nálibaev Maqsut Ibraıhanuly; Pavlodar oblysy boıynsha - Shakenov Denıs Vladımırovıch; Soltústik Qazaqstan oblysy boıynsha - Qabdýla Shyńǵys Qaıypuly; Ońtústik Qazaqstan oblysy boıynsha - Ahmetov Murat Jambyluly.
Shyǵys Qazaqstan oblysy ákimi Danıal Ahmetovtyń ókimimen jáne oblys máslıhaty depýtattarynyń kelisimimen jergilikti polısıa qyzmetiniń basshysy bolyp polısıa polkovnıgi Dýlat Qazaqpaev taǵaıyndaldy. D.Qazaqpaev 1962 jyly SHQO Jarma aýdanynda dúnıege kelgen. İshki ister organdarynda 1983 jyldan bastap jumys isteıdi. 1996 jyldan 2013 jyl aralyǵynda Besqaraǵaı aýdany İİB bastyǵynyń orynbasary, SHQO İİD Ákimshilik polısıasy basqarmasy bastyǵynyń orynbasary laýazymdarynda qyzmet atqarǵan. 2013 jyldan bastap, SHQO Aıagóz aýdany ishki ister bólimi bastyǵy bolǵan.
Polısıa podpolkovnıgi Jasulan Baıkenov Almaty q. İİD-iń jańadan qurylǵan Jergilikti polısıa qyzmetiniń basshysy bolyp taǵaıyndaldy. Ol buǵan deıin Almaty q. İİD Ákimshilik polısıa basqarmasy bastyǵynyń orynbasary qyzmetin atqaryp kelgen bolatyn. Podpolkovnık Baıkenov óziniń ishki ister salasyndaǵy mansap jolyn 2004 jyly Almaly aýdandyq İİB qarasty ýchaskelik polısıa ınspektorynyń kómekshisi qyzmetinen bastaǵan. 2007 jyldan beri qalanyń ár túrli aýdandarynda qoǵamdyq qaýipsizdik bólimshelerin basqaryp keldi. Sondaı-aq, metropolıtendegi İİB bastyǵynyń orynbasary jáne Túrkisib aýdanynyń İİB bastyǵynyń orynbasary qyzmetin atqarǵan.
Atyraýda óńir İİD jergilikti polısıa basshysy qyzmetine Nurym Orazbaev taǵaıyndaldy. 50 jastaǵy N.Orazbaev quqyq qorǵaý organdarynda 1986 jyldan beri jumys jasap keledi. Eńbek jolyn Atyraý qalasy İİB ýchaskelik ınspektory bolyp bastady. Bilimi joǵary - QR İİM Almaty joǵary mektebin bitirgen. 2008 jyldan beri Atyraý oblysy İİD bastyǵynyń orynbasary bolǵan edi.
Oral qalalyq máslıhatynyń kezekti sesıasynda qalalyq ishki ister basqarmasy jergilikti polısıa qyzmetiniń basshylyǵyna osy kezge deıin BQO İİD ákimshilik polısıasy basqarmasynyń bastyǵy qyzmetin atqarǵan Músilim Járdemovtiń kandıdatýrasy usynylyp, ol depýtattar tarapynan tolyq qoldaý tapty. Polısıa podpolkovnıgi Músilim Ǵılmanuly 1974 jyly kórshiles Saratov oblysy Ozınkı aýylynda dúnıege kelgen. İshki ister organdarynda 1996 jyldan beri qyzmet atqaryp kele jatqan ol ýchaskelik ınspektordan bastap qyzmet baspaldaǵymen órleı otyryp, 2013 jylǵy mamyrda BQO İİD ákimshilik polısıasy basqarmasy bastyǵynyń orynbasary, 2014 jyldyń shildesinen basqarma bastyǵy bolyp taǵaıyndalǵan. M.Ótemisov atyndaǵy Batys Qazaqstan memlekettik ýnıverstıtetin 2008 jyly zańger mamandyǵy boıynsha bitirgen.
Sol sekildi osyǵan deıin Oral qalalyq ishki ister basqarmasy ákimshilik polısıasy bólimshesi qoǵamdyq tártipti kúzetý jáne jol qaýipsizdigin qamtamasyz etý bólimshesiniń bastyǵy qyzmetin atqarǵan polısıa aǵa leıtenanty Berik Tileýlıev qalaǵa qarasty Abaı polısıa bólimi jergilikti polısıa qyzmetiniń basshysy bolyp taǵaıyndaldy.
Belgili qarjyger, ekonomıs, QR Ulttyq bankiniń eks-tóraǵasy Ánýar Sáıdenov «Almaty halyqaralyq áýejaıy» AQ dırektorlar keńesiniń tóraǵasy bolyp saılandy. Ol buǵan deıin «BTA Bank» bankiniń tóraǵasy, «Bank RBK» AQ táýelsiz dırektory qyzmetterin atqarǵan.
