Ánshi, sazger Luqpan Joldasov 50 jas mereıtoıynda Astana qalasynda shyǵarmashylyq kesh ótkizedi. Bul kún ánshiniń týǵan kúnimen tuspa-tus kelip otyr. Konsert Astana qalasy ákimdigi, Astana qalasy Mádenıet basqarmasy basshysynyń qoldaýymen júzege asqaly otyr, - dep habarlaıdy "Qamshy" portaly QazAqparatqa silteme jasap.

Sonymen qatar ánshi shyǵarmashylyq keshin Táýelsizdigimizdiń 25 jyl qurmetine arnaıtynyn áleýmettik jelidegi jeke paraqshasynda aıtyp ótti.

«Ómir-ózen» degen ataý alǵan konsertke «Mýzart», Qaırat Nurtas, Tóreǵalı Tóreáli, Altynaı Jorabaeva, Álı Oqapov sıaqty qazaq estradasynyń jaryq juldyzdary qatysady. Sonymen qatar, ánshiniń qol astynan túlep ushqan «Zaman» toby, Berdibek Qulǵaraev, Dımash Qudaıbergenovter de óner kórsetedi. Óner juldyzdary sazgerdiń osy ýaqytqa deıin jazǵan ánderin oryndaıdy. Buǵan qosa ánshi konsertte erekshe tosynsyılar bolatynyn aıtty.