Biryńǵaı jınaqtaýshy zeınetaqy qoryndaǵy qarjynyń qaı maqsatqa jumsalatyny aqpanda belgili bolady. Bul týraly Ortalyq komýnıkasıalar qyzmetinde ótken brıfıńte Ulttyq ekonomıka mınıstri Erbolat Dosaev málimdedi, - dep habarlaıdy 24-arna.
Eske sala keteıik, 2016 jyldyń 1 qańtarynan bastap Ulttyq qordy basqarý keńesi men biryńǵaı jınaqtaýshy zeınetaqy qory birikti. «Endi qordaǵy qarajatty ınvestısıalaýǵa qatysty túpkilikti sheshim aqpan aıynyń basynda shyǵýy tıis», - dedi mınıstr. Ol úshin Ulttyq bank pen Úkimet qarjyny tıimdi jumsaý joldaryn Jańa jylǵa deıin elep-ekshegen bolatyn. Sonymen qatar Ulttyq ekonomıka mınıstri «Turǵyn úı qurylys jınaq banki» salymshylaryna tólenetin ótemaqy jóninde de atap ótti.
Erbolat Dosaev, QR Ulttyq ekonomıka mınıstri:
- Memleket basshysynyń tapsyrmasy boıynsha, «Turǵyn úı jınaq bankiniń» salymshylaryna ótemaqy tóleý júıesin jasaqtap boldyq. 20 tamyzǵa deıin tirkelgen soma 171 mlrd teńgeni quraǵan. Bul – sol kezde bolǵan salymdar. Ótemaqy kólemi 60,9 mlrd teńgeni quraǵan. 2016-2017 jyldary onyń 24 mlrd teńgesi banktiń jeke tabystary esebinen óteledi. Al 36,9 mlrd teńge bıyl jáne kelesi jyldary Úkimet rezervinen bólinedi. Ótemaqy tóleý eki transhpen júzege asady. 2016 jyldyń shildesi jáne 2017 jyldyń qazan aıynda jasalady.
