KASE kúndizgi sesıasy boıynsha dollar baǵamy 376,88 teńgege teń boldy, - dep habarlaıdy «Qamshy» portaly.
Aldyńǵy saýda 372,58 teńge nátıjesimen aıaqtalǵan edi. Kúndizgi sesıada alǵashqy kelisim 374,5 teńgemen bastaldy. Eń tómengi baǵa da osy boldy. Joǵarǵy baǵa 378 teńgege deıin jetti. Sesıada saýda kólemi 54,6 mıllıon dollardan asty.
Eske sala keteıik, Irannan ekonomıkalyq shekteýler alynyp tastalǵan soń, 18 qańtardyń saýda sesıasynyń basynda Brent markaly munaıdyń baǵasy barreline 28 dollardan túsken bolatyn. Osydan keıin shetel valútasy da qymbattaı bastady. Bul markanyń barreli Londondaǵy bırja saýdasynda 27,72 deńgeıinde saýdalandy. Bul - jumadaǵy kórsetkishpen salystyrǵanda 1,5 dollarǵa tómen.
