Búgin Ortalyq saılaý komısıasynyń tóraǵasy Qýandyq Turǵanqulov Májilis pen barlyq deńgeıdegi máslıhattar depýtattaryn saılaý tártibin túsindirdi, - dep habarlaıdy «Qamshy» portaly.

Osy jerde 20 naýryzda ótkeli otyrǵan saılaýdy uıymdastyrýǵa qazynadan 7 mıllıard 985 mıllıon 300 myń teńge bólingenin aıta ketken jón.

Atalǵan saılaý aıasynda Májiliske 107 depýtat, onyń ishinde 9-y Qazaqstan halqy Assambleıasy atynan saılansa, oblystyq, qalalyq, aýdandyq máslıhattarǵa 3335 depýtat ókiletik almaq.

Saılaý negizinen usyný, tirkeý, saılaý aldy úgit dep atalatyn úsh kezeń boıynsha ótedi. Saıası partıalar atynan kandıdattardy usyný búgin bastalyp, 8 aqpanǵa deıin jalǵasady. Kandıdattar usyný tek saıası partıalardyń jáne halyq Assambleıasy keńesiniń ǵana quzyryndaǵy másele ekeni belgili. Al, assamble atynan usynystar 20-29 aqpan aralyǵynda qabyldanady. Máslıhat depýtattyǵyna kandıdattardy usyný 19 aqpanǵa deıin jalǵasady.

Tirkeý kezeńine keler bolsaq, partıalyq tizimderdi tirkeýdi OSK 19 aqpanǵa deıin júrgizedi. QHA –dan usynylǵan kandıdattardy tirkeý 25 aqpan men 5 naýryz aralyǵynda ótedi. Aýmaqtyq saılaý komısıalary máslıhat depýtattyǵyna úmitkerlerdi 23 aqpanǵa deıin tirkep bitýleri tıis.

 Saılaýdyń eń qyzyqty sáti úgit-nasıhat kezeńine keler bolsaq, ol partıalyq tizim boıynsha saılaýǵa túsetinder úshin 20 aqpanda bastalyp, 18 naýryzǵa deıin sozylady. QHA atynan túsetin úmitkerler 6-19 naýryz aralyǵynda úgit-nasıhat jumystaryn júrgizbek. Máslıhat saılaýynyń úgit-nasıhat sharalary 24 aqpan men 18 naýryz aralyǵynda ótedi.

 Sonymen, saılaý kúni saılaýshynyń qolyna 3 birdeı búleten beriledi. Onyń biri – Májilis depýtattyǵyna úmitker usynǵan partıalardyń tizimi bolsa, qalǵan ekeýi oblystyq, qalalyq, aýdandyq máslıhat depýttattyǵyna úmitkerlerdiń tizimi bolmaq. Munyń barlyǵy jer-jerlerdegi saılaý ýchaskelerindegi qyzmetkerler úshin birshama aýyrtpalyqtar týǵyzary anyq. Alaıda, OSK basshysy saılaýdy tıisti deńgeıde ótkizýge qajet barlyq múmkindikterge ıemiz dep otyr.