ق ر ءىىم اپك-نىڭ Facebook الەۋمەتتىك جەلىسىندەگى رەسمي پاراقشاسىندا جۇرگىزۋشى كۋالىگىنەن ايىرۋعا اكەلىپ سوقتىراتىن ەرەجە بۇزۋشىلىقتار تۋرالى اقپارات جاريالاندى، - دەپ حابارلايدى BNews.kz.
اكىمشىلىك قۇقىق بۇزۋشىلىق تۋرالى كودەكستە جۇرگىزۋشى كۋالىگىن الىپ قويۋ شاراسى قانداي جاعدايلاردا قولدانىلاتىنى ناقتى ايقىندالعان.
كودەكستىڭ 795-بابىنا سايكەس جۇرگىزۋشى كۋالىگى كولىك قۇرالىن باسقارۋ قۇقىعىنان ايىرۋ تۇرىندە سانكسيا كوزدەلگەن جاعدايدا عانا الىنادى. قالعان جاعدايلاردا جۇرگىزۋشى كۋالىگى اكىمشىلىك قۇقىق بۇزۋشىلىق تۋرالى حاتتاما تولتىرىلعاننان كەيىن دەرەۋ يەسىنە قايتارىلادى.
كولىك قۇرالىن باسقارۋ قۇقىعىنا جۇرگىزۋشى كۋالىگىنەن ايىرۋ كوزدەلگەن ججق بۇزۋشىلىقتار
590-ب. 4 ت. كورiنەۋ جالعان نەمەسە قولدان جاسالعان مەملەكەتتiك تiركەۋ ءنومiرi بەلگiلەرi (بەلگiسi) بار كولiك قۇرالىن باسقارۋ – جيىرما ايلىق ەسەپتiك كورسەتكiش مولشەرiندە ايىپپۇل سالۋعا نەمەسە بiر جىل مەرزiمگە كولiك قۇرالدارىن باسقارۋ قۇقىعىنان ايىرۋعا اكەپ سوعادى.
596ب. 3 ت. ەگەر بۇل جول ءجۇرiسi قاعيدالارىندا تىيىم سالىنعان جاعدايلاردا، جولدىڭ ءجۇرۋ ءبولiگiنiڭ قارسى باعىتتا جۇرۋگە ارنالعان جاعىنا شىعۋ – ءبىر جىل مەرزىمگە كولىك قۇرالدارىن باسقارۋ قۇقىعىنان ايىرۋعا اكەپ سوعادى. 
606-ب. 2-ت. وسى باپتىڭ بiرiنشi ءبولiگiندە كوزدەلگەن، اكiمشiلiك جازا قولدانىلعاننان كەيiن بiر جىل iشiندە قايتالاپ جاسالعان ارەكەت التى اي مەرزiمگە كولiك قۇرالىن باسقارۋ قۇقىعىنان ايىرۋعا اكەپ سوعادى.
607-ب. 2-ت. وسى باپتىڭ بiرiنشi ءبولiگiندە كوزدەلگەن، اكiمشiلiك جازا قولدانىلعاننان كەيiن بiر جىل iشiندە قايتالاپ جاسالعان ارەكەتتەر – التى اي مەرزiمگە كولiك قۇرالىن باسقارۋ قۇقىعىنان ايىرۋعا اكەپ سوعادى.
608-ب. 1،2،3،4،5
1. جۇرگىزۋشىنىڭ كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى، سول سياقتى كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ – كولىك قۇرالىن باسقارۋ قۇقىعىنان ءۇش جىل مەرزىمگە ايىرۋعا اكەپ سوعادى.
2. وسى باپتىڭ ءبىرىنشى بولىگىندە كوزدەلگەن، اۆاريالىق جاعداي تۋعىزۋعا اكەپ سوققان ارەكەتتەر – كولىك قۇرالىن باسقارۋ قۇقىعىنان ءتورت جىل مەرزىمگە ايىرۋعا اكەپ سوعادى.
3. وسى باپتىڭ ءبىرىنشى بولىگىندە كوزدەلگەن، جابىرلەنۋشىنىڭ دەنساۋلىعىنا قىلمىستىق جازالاناتىن ىس-ارەكەت بەلگىلەرى جوق زيان كەلتىرۋگە نەمەسە كولىك قۇرالدارىن، جۇكتەردى، جول قۇرىلىستارى مەن وزگە دە قۇرىلىستاردى نە وزگە مۇلىكتى بۇلدىرۋگە اكەپ سوققان ارەكەتتەر – كولىك قۇرالىن باسقارۋ قۇقىعىنان بەس جىل مەرزىمگە ايىرۋعا اكەپ سوعادى.

4. وسى باپتىڭ ءبىرىنشى، ەكىنشى جانە ءۇشىنشى بولىكتەرىندە كوزدەلگەن، اكىمشىلىك جازا مەرزىمى وتكەننەن كەيىن ءبىر جىل ىشىندە قايتالاپ جاسالعان ارەكەتتەر – ون بەس تاۋلىككە اكىمشىلىك قاماققا الۋعا جانە التى جىل مەرزىمگە كولىك قۇرالىن باسقارۋ قۇقىعىنان ايىرۋعا اكەپ سوعادى.
5. وسى باپتىڭ ءتورتىنشى بولىگىندە كوزدەلگەن اكىمشىلىك جازا مەرزىمى وتكەننەن كەيىن ءبىر جىل ىشىندە قايتالاپ جاسالعان، وسى باپتىڭ ءتورتىنشى بولىگىندە كوزدەلگەن ارەكەتتەر – وتىز تاۋلىككە اكىمشىلىك قاماققا الۋعا جانە ون جىل مەرزىمگە كولىك قۇرالدارىن باسقارۋ قۇقىعىنان ايىرۋعا اكەپ سوعادى.