5 ناۋرىزدان باستاپ شىعىس قازاقستان وبلىسىنىڭ زايسان، كۇرشىم، تارباعاتاي اۋداندارى مەن سامارا اۋدانىنىڭ تۇرعىندارى جۇمىس كۇنىن ءبىر ساعات ەرتە باستايدى.

شىعىس قازاقستان وبلىسى تارباعاتاي اۋدانىنىڭ اكىمى دارحان جورگەكبايەۆتىڭ ايتۋىنشا، جۇمىس ۋاقىتىن ءبىر ساعات بۇرىن اۋىستىرۋ يدەياسىن بارلىق 28 اۋىلدىق ەلدى مەكەننىڭ تۇرعىنى ياعني 18،4 مىڭ ادام قولداعان.

زايسان اۋدانىندا 33 ەلدىمەكەن بار، وندا 35 مىڭنان استام ادام تۇرادى. زايسان اۋدانىنىڭ اكىمى اەليتا احمەتسالىم قىزىنىڭ ايتۋىنشا، ۋاقىتتى وزگەرتۋ تۋرالى ۇسىنىستى حالىق قۋانا قولداعان.

"بۇل شەشىمدى قابىلداماس بۇرىن ءار اۋىلدىق وكرۋگتە جيىن وتكىزدىك، تۇرعىندار بۇل يدەيانى قولدادى. ويتكەنى زايسان اۋدانى شىعىس قازاقستان وبلىسىنىڭ شىعىس شەكاراسىنا ەڭ جاقىن ورنالاسقاندىقتان، بۇل جەردە كۇن ەرتەرەك شىعادى. سوندىقتان جۇمىس كۇنى ساعات 08:00-دە باستالىپ، 17:30-دە بىتسە، بالالارمەن ۋاقىت وتكىزۋگە مۇمكىندىك بولادى، – دەدى زايسان اۋدانىنىڭ اەليتا احمەتسالىم قىزى.