ايتىسكەر اقىن رينات زايىتوۆ «قازاقستان» ارناسىنداعى باعدارلامالاردىڭ بىرىندە قاتاڭ سىناعان، ارتىنشا الەۋمەتتىك جەلى قولدانۋشىلارىنىڭ دا اۋىر ايىپتاۋلارىنا ۇشىراعان “Ninety one” توبى مۇنداي سوزدەرگە اسا ءمان بەرمەيتىنىن ايتادى، - دەپ حابارلايدى «قامشى» پورتالى stan.kz – كە سىلتەمە جاساپ.

الايدا، ەرەكشە توپ مۇشەلەرى وزدەرىن قىزدارعا تەڭەيتىندەردى ۇناتپايتىندارىن، وندايلاردى «كورە الماۋشىلىق» دەپ باعالايتىندارىن جاسىرماعان.

بۇل پىكىرلەرىمەن “ريەۆيۋ” باعدارلاماسىندا بولىسكەن.

كۇنى كەشە ونەردە جۇرگەن اعالارىنىڭ سىنىنا ۇشىراعان “Ninety one” توبى “وردا” توبىنان ءان سۇراپ الىپ، ونى وڭدەپ جاتىر. قانداي سىنعا بولسىن توتەپ بەرە الاتىندىقتارىن جەتكىزگەن توپ مۇشەلەرى ءبىر نارسەگە عانا توزە المايتىنىن ايتتى. بۇل – تىڭدارمانداردىڭ نەمەسە ونەردەگى اعالارىنىڭ وزدەرىن قىزعا ۇقساتۋى ەكەن.

“بارىنەن بۇرىن بۇل قىز با الدە جىگىت پە دەگەن سىني سوزدەر اشۋىمىزدى كەلتىرەدى. دوستار، قىز قايدا، جىگىت قايدا؟!” – دەپ رەنىشتەرىن جەتكىزدى.

كوپ ادام قازاق ەستراداسىنا ەندى عانا اياق باسقان توپتىڭ قاتاڭ سىندارعا قالاي ءتوزىپ جاتقانىن بىلمەي دال بولۋدا. ويتكەنى، وسىعان دەيىن كوپتىڭ سوزىنە نازار اۋدارمايتىن ماقپال يسابەكوۆا ينستاگرامداعى پاراقشاسىن سىني پىكىرلەرگە قاتىستى وشىرگەن بولاتىن.

وتكەن اپتادا توپ مۇشەلەرى مەن پروديۋسەرى ەربولات بەدەلحان «قازاقستان» ارناسىنداعى باعدارلامادا رينات زايىتوۆپەن بەتپە-بەت كەلىپ، ءبىراز سىن ەستىگەنىن ەستەرىڭىزگە سالامىز.