بۇگىن الماتىدا 31-تەلەارنا ەكرانىنان كورسەتىلەتىن «جاۋجۇرەك ەرتۇعرىل» تەلەحيكاياسىنىڭ تۇساۋكەسەرى ءوتتى، - دەپ حابارلايدى «قامشى» پورتالى.

Mega Park ويىن-ساۋىق ورتالىعىنىڭ Chaplin كينوتەاترىندا وتكەن تۇساۋكەرسەردە تەلەحيكايا كورسەتىلىمىنە اقپارات قۇرالدارىنىڭ وكىلدەرى قاتىستى.

«ارنانىڭ نەگىزگى ماقسات-مۇددەسى وتباسىمەن كورۋگە ارنالعان قىزىقتى باعدارلامالار مەن رەاليتي شوۋلار، ءماندى دە ماعىنالى تەلەحيكايالار مەن كينولار ۇسىنۋ ارقىلى كورەرمەندەرىن قۋانتۋ. وسى ماقساتتا تەلەارنا باسشىلىعى ەڭ ساپالى، ەڭ ۇزدىك تەلەحيكايالار كورسەتىلىمىن جۇيەلى جولعا قويىپ وتىر»، - دەيدى شارا ۇيىمداستىرۋشىلارى.

جاقىن ارادا كورسەتىلىمگە شىعاتىن قىزىقتى ءارى تاريحي دراما «جاۋجۇرەك ەرتۇعرىل» تەلەحيكاياسى سونىڭ دالەلى. 28 ناۋرىزدان باستاپ ەكرانعا جول تارتاتىن، 52 بولىمنەن  تۇراتىن تاريحي سەريالدا ۇلى جورىقتار مەن باتىرلار باستان كەشكەن ۇلى تاريحي وقيعالار، وتانعا دەگەن سۇيىسپەنشىلىك، جاڭا جەرلەردى جاۋلاپ الۋ، سونداي ۇلى ماحاببات  سەزىمى كورىنىس بەرەدى.

سەريال نەگىزى مۇسىلمان مەملەكەتتەرى مەن كريشتيان حالىقتارىنىڭ ۇزىققا سوزىلعان ادۋىندى ايقاستارىنىڭ نەگىزىندە  قۇرىلعان وسمان يمپەرياسىنىڭ تاريحي باستاماسىنان تۇرادى.

رايگۇل ەكپىن