ەلباسى نۇرسۇلتان نازاربايەۆ ۇكىمەت وتىرىسىندا «جەر كودەكسىنە» ەنگەن وزگەرىستەردىڭ كۇشىنە ەنۋىنە ءبىر جىلعا ماراتوريي جاريالادى، - دەپ حابارلايدى Qamshy.kz.
ەلباسى جەرگە قاتىستى زاڭنامالارعا وزگەرىستەر ەنگىزۋ مەن ونى ءتۇسىندىرۋ كەزىندەگى كەمشىلىكتەردى سىنعا الدى.
«ەلگە ەشقانداي اۋىلشارۋاشىلىق جەرى ساتىلمايتىنىن ءتۇسىندىرۋ كەرەك ەدى. سوندىقتان مۇندا سپەكۋلياسيا بولدى. ياعني، ءتيىستى توپتارعا بۇل نورمالار تولىق جەتپەدى. الايدا، زاڭدى قابىلداۋ مەن نورمالارى قوعامدا تالقىلاۋعا تۇسپەدى، ادامداردىڭ قاۋىپتەنۋى، دابىل قاعۋى اقتالدى. ەگەر ءبىزدىڭ ازاماتتار مۇنى تۇسىنبەسە، قابىلدانعان شەشىمدەرگە سەنىمسىزدىك تانىتسا، ياعني، بۇل دۇرىس بولماعانى. ءبىز بارلىعىن ادامدار ءۇشىن جاساپ وتىر ەمەسپىز بە؟ ياعني، قوعامدا وسى ماسەلەگە قاتىستى زاڭنامالارعا ەنگەن وزگەرىستەرگە كۇدىك تۋدى»، - دەدى ەلباسى.
ەستەرىڭىزگە سالساق، بۇگىن ەلباسى نۇرسۇلتان نازاربايەۆتىڭ توراعالىعىمەن جيىن وتۋدە. وعان ۇكىمەت جەتەكشىسى مەن مۇشەلەرى، پرەزيدەنت اكىمشىلىگىنىڭ لاۋازىمدى تۇلعالارى مەن باسقا دا مەملەكەتتىك ورگان باسشىلارى قاتىسۋدا.
