ەل ەكونوميكاسىنىڭ تىكتەلىپ، دامۋدىڭ داڭعىل جولىنا ءتۇسۋى ءار ءوڭىردىڭ قوسار ۇلەسىنە بايلانىستى. الماتى وبلىسىندا تەك ايماقتىڭ عانا ەمەس، تۇتاستاي قازاق ەلىنىڭ يگىلىگىنە اينالاتىن ىلكىمدى جوبالار جەتەرلىك. سولارعا ءبىر زەر سالساق.
اۋىلشارۋاشىلىعىنىڭ اۋقىمدى دامۋى
قانت زاۋىتتارى
بيىل قانت قىزىلشاسىن وندىرەتىن شارۋالاردى جەرگىلىكتى بيۋدجەتتەن قولداۋ ارقاسىندا، 2014 جىلمەن سالىستىرعاندا ەگىستىك اۋقىمى 5 ەسە ارتىپ 6،4 مىڭ گا - دى قۇرادى. كوكسۋ قانت زاۋىتى جوندەۋدەن ءوتىپ، ىسكە قوسىلدى (“كوكسۋ قانت زاۋىتى” ج ش س). ماۋىسىم ارالىقتا كوكسۋ قانت زاۋىتىنىڭ ماماندارىن جۇمىسپەن قامتۋ ماقساتىندا قارابۇلاق قانت زاۋىتىندا ءدۇمبىل - قانت وڭدەۋ جوسپارلانۋدا.
ەلىمىزدە قانتقا سۇرانىس جىلىنا 500 مىڭ توننا بولسا، 2015 جىلى الماتى وبلىسىندا 15 مىڭ توننا ءونىم ءوندىرىلدى. بۇل ءوز كەزەگىندە ءتاتتى تۇبىرگە دەگەن سۇرانىستىڭ، ناقتى وندىرىلگەن ونىمنەن بىرنەشە ەسە ارتىق ەكەنىگىن اڭعارتۋدا. سول سەبەپتى، الداعى ۋاقىتتا اقسۋ قانت زاۋىتىن ىسكە قوسۋعا تۇرتكى بولۋدا. اۋقىمدى جوسپار بويىنشا، كەلەشەكتە وبلىستا قانت ءوندىرىسىن جىلىنا 50 مىڭ تونناعا جەتكىزۋ كوزدەلۋدە.
زاماناۋي جىبەك جولى
«قورعاس» قۇرعاق پورتى
“قورعاس - شىعىس قاقپاسى” ارنايى ەكونوميكلىق ايماعى. ونىڭ يدۋستريالدى ايماعىندا ءقازىردىڭ وزىندە جالپى قۇنى 150 ملرد. تەڭگە قۇرايتىن 69 جوبا تىركەلىپ، 10 جوبا جۇزەگە اسىرىلۋدا. اەا شەڭبەرىندە قۇرعاق پورت قۇرىلىسى اياقتالۋدا. “قتج” ۇك” اق قاراستى “KTZE-Khorgos Getway” ج ش س 2015 جىلى 6،9 مىڭ كونتەينەردى وڭدەۋدەن وتكىزسە، بيىل بۇل كورسەتكىش 100 مىڭ كونتەينەردى قۇراماق. كاسىپورىن 2020 جىلعا قاراي، ءوزىنىڭ تولىق مۇمكىندىگىن ىسكە قوسىپ، جىلىنا 500 مىڭ كونتەينەر وڭدەۋدى جوسپارلاۋدا.
اۋىلشارۋشىلىعىنا جەكەمەنشىك ينۆەستيسيالار تارتۋ
پانفيلوۆ اۋدانىنداعى الما باقتار
بۇگىنگى تاڭدا وبلىستاعى جەمىس-جيدەك باقتارىنىڭ اۋماعى 20 مىڭ گا استام. 2014 جىلمەن سالىستىرعاندا، بۇل كورسەتكىش 4،8 ەسە ارتقان. بۇل سالاداعى قارقىندى دامىپ كەلە جاتقان مەكەمەلەردىڭ ءبىرى “جاركەنت-فرۋكت” ج ش س ءوز ەسەبىنەن 62،5 ملن. دوللار قارجى ءبولىپ، 1100 گا اۋماقتا تامشىلاپ سۋارۋ ءادىسى قولدانىلاتىن ينتەنسيۆتى الما باعى بوي كوتەردى. سونىمەن قاتار، “استانا فرۋتس” ج ش س 127 مىڭ ءتۇپ الما، المۇرت، شيە وتىرعىزىپ، ولاردى تامشىلاپ سۋارۋ ءادىسى بويىنشا باپتاۋدا.
يندۋستريالاندىرۋ جانە جۇمىس ورىندارى
كراحمال - سىرنە زاۋىتى
الماتى وبلىسى جۇگەرى ءوسىرۋ بويىنشا ەلىمىزدىڭ نەگىزگى اۋماعى جانە داقىلدىڭ جوعارى ساپالى تۇقىمدارىن وندىرەتىن جالعىز ايماعى بولىپ تابىلادى. 2014 جىلمەن سالىستىرعاندا، بۇگىندە ءونىمدى ءونىرۋ كولەمى 5،5 مىڭ گا ارتىپ، بۇگىندە ەگىس اۋقىمى 76 مىڭ گا جەتكەن. 2015 جىلى جۇگەرى قابىلداۋ جانە ونى كەپتىرۋ ءۇشىن پانفيلوۆ اۋدانىندا 2 كەشەن اشىلدى. بىلتىر ءوندىرىس كولەمىن ۇلعايتۋدىڭ ارقاسىندا “جاركەنت كراحمال-سىرنە زاۋىتى” جۇگەرى وڭدەۋ اۋقىمىن جىلىنا 60 مىڭ تونناعا جەتكىزىپ، بولاشاقتا بۇل كورسەتكىشتى 100 مىڭ تونناعا ارتتىرۋدى كوزدەيدى.
دارىن جانە تالپىنىس
وقۋشىلار سارايى
ءبىر اۋىسىمدا 1800 بالانى قابىلداي الاتىن جاڭا وقۋشىلار سارايى وسكەلەڭ ۇرپاقتىڭ جان-جاقتى بولىپ قالىپتاسۋىنا ىقپال ەتپەك. بۇل ءۇشىن جاڭا عيماراتتا بارلىق ينفراقۇرىلىم قاراستىرىلىپ، بىلىكتى مامانداردان قۇرالعان ۇجىم قالىپتاستى. وقۋشىلار سارايىندا 45 كابينەت، 4 شەبەرحانا، 8 زەرتحانا، 3 كورمە زالى، مەدياكىتاپحانا، دىبىس جازۋ ستۋدياسى مەن وبسەرۆاتوريا ورنالاسقان.
جاس قۇلشىنىس جانە مىقتى تىل
جاستارعا قىزمەت كورسەتۋ ورتالىعى
مەملەكەتتىك جاستار ساياساتىن ءتيىمدى جۇزەگە اسىرۋ جانە وسكەلەڭ ۇرپاقتىڭ الدىندا تۇرعان ماسەلەلەردىڭ ءتۇيىنىن تارقاتۋ ماقساتىندا بيىل تالدىقورعان قالاسىندا جاستارعا قىزمەت كورسەتۋ ورتالىعى بوي كوتەردى. ەكى قاباتتان تۇراتىن عيماراتتا 24 جۇمىس بولمەسى، 3 لەكسيالىق جانە 1 كوپفۋنكسيونالدى زال، انتيكافە مەن فيتنەس زال ورنالاسقان.
دەنساۋلىعى بەكەم، قۋاتتى ەل
كوپسالالى اۋرۋحانا
تالدىقورعاندا بوي كوتەرگەن 300 ورىنلىق كوپسالالى اۋرۋحانا قۇرىلىسى مەملەكەتتىك “100 مەكتەپ، 100 اۋرۋحانا” باعدارلاماسى شەڭبەرىندە قولعا الىندى. جوبانى جۇزەگە اسىرۋعا بيۋدجەتتەن 9 ملرد. 371 ملن تەڭگە ءبولىندى. ونىڭ ىشىندە 4 ملرد. تەڭگەگە ماگنيتتى-رەزونانستىق توموگراف، ەكسيمەردى لازەر قوندىرعىسى، باروكامەرا جانە ت.ب. سىندى زاماناۋي مەديسينالىق قۇرال-جابدىقتار الىندى.
جالپى كولەمى 33 885،6 شارشى مەتىردى قۇرايتىن مەديسينالىق مەكەمەدە 8 بولىمنەن قۇرالعان 143 دارىگەر مەن 533 مەديسينا قىزمەتكەرلەرى جۇمسپەن قامتىلعان.
قازاقستاننىڭ ءار ازاماتىنا قامقورلىق
جەتىم بالالارعا ارنالعان ءۇي
2015 جىلى تالدىقورعاندا باسپانا كەزەگىندە تۇرعان جەتىم بالالارعا ارنالعان 60 پاتەرلىك كوپ قاباتتى ءۇيدىڭ كىلتى تاپسىرىلدى. تۇرعىن ءۇي قۇرىلىسىنا بيۋدجەتتەن 348،5 ملن. تەڭگە ءبولىندى. سونىمەن قاتار، بىلتىر قاراساي، ىلە جانە ەڭبەكشىقازاق اۋدانىنداعى جەتىم بالالارعا “اسىل ارمان” تۇرعىن كەشەنىنەن 100 پاتەر ءبولىندى.
دەمالىس جانە تىنىم
جاستار ساياباعى
مادەنيەت جانە دەمالىس ساياباعىنىڭ جالپى اۋماعى 11 گا استام. مۇندا وبلىس ورتالىعىنىڭ باستى مادەني-كوپشىلىك شارالارى ۇيىمداستىرىلادى. ول ءۇشىن ساياباق ىشىندە ارنايى ساحنالىق جانە كورەرمەندەرگە ارنالعان ايماعى ورنالاسقان. ساياباق ىشىندە اۋەندى سۋبۇرقاق پەن عاشىقتار ەسكەرتكىشى ورنالاسقان. جۋىردا جەتىسۋدىڭ اقيىق اقىنى، حان ءتاڭىرىنىڭ مۇزبالاعى مۇقاعالي ماقاتايەۆتىڭ ەسكەرتكىشى اشىلماق.
ساۋلەت جانە ءسان
كاراتال وزەنىنىڭ جاعالاۋى
دەمالىس ورىنىنىڭ جالپى اۋماعى 11،2 گا، ۇزىندىعى 1،4 مىڭ مەتر. جاعالاۋدا بالالارعا ارنالعان 4 ويىن الاڭى، ەكستريمالدى سپورتقا قولايلى رولدروم، ۆەلوسيپەد جولاعى قاراستىرىلعان.
جايلىلىق پەن اماندىق
وڭتۇستىك-باتىس تۇرعىن اۋدانى
جالپى اۋماعى 394 گا جەردە 120 كوپقاباتتى تۇرعىن ءۇي، 9 بالاباقشا، 5 مەكتەپ، وقۋشىلار سارايى، جقو، 500 ورىندىق ەمحانا، سالتانات سارايى، كورمە كەشەنى، دراما تەاتر، 16 قاباتتى قوناق ءۇي بوي كوتەرمەك.
پاتريوتيزم جانە ماقتانىش
مەملەكەتتىك تۋ
مەملەكەتتىك تۋدىڭ تۇعىرى 92 مەتر - مەملەكەتتىك رامىزدەر قابىلدانعان 1992 جىلدىڭ نىشانى. تۋدىڭ كولەمى 25ح12،5 م. تۋدىڭ ۇزندىعى 25 مەتر - ەل تاۋەلسىزدىگىنىڭ 25 جىلدىعىن ايقىندايدى.
