ق ر اقپارات جانە كوممۋنيكاسيا ءمينيسترى داۋرەن ابايەۆپەن جۋرناليست گۇلنارا باجكەنوۆا سۇحباتتاستى. سۇحباتتا جۋرناليستەر ەركىندىگى، الەۋمەتتىك جەلى، ۇلتتىق برەند پەن پرەزيدەنتتىڭ سۇيىكتى بلوگەرلەرى جايلى ايتىلعان. ەsquire.kz. سايتىندا جاريالانعان سۇحباتتى رەداكسيا رۇقساتىمەن ىقشامداي وتىرىپ، «قامشى» اقپارات پورتالى سىزدەرگە ۇسىنادى!
— باق-قا قاتىستى زاڭعا جاڭا تۇزەتۋلەر دايىندادىڭىزدار. جۋرناليست قاۋىمى ءۇشىن جاقسى جاڭالىقتار بار ما؟
— گامبۋرگتىك ەسەپ بويىنشا ءبىز جۋرناليستيكا ماماندىعىن جەڭىلدەتۋگە تىرىسۋدامىز. تۇزەتۋلەر جۋرناليستەردىڭ قىزىعۋشىلىقتارىمەن جاسالدى. ءبىز الىپ تاستايتىن زاتتار كوپ، مىسالى شەنەۋنىككە سۇرانىستى گازەتتىڭ باس رەداكتورى ەمەس، كەز-كەلگەن ۋاكىلەتتى ادام جاساي الادى. بۇل وپەراتيۆتىلىك پروسەسسىن جەدەلدەتەدى. بۇل تەك ءبىر عانا مىسال، ءبىراق نەگە ەكەنىن كوپشىلىگى اقپاراتتى تەكسەرىپ الۋ تۋرالى مىندەتتەمەنى عانا ەستە ساقتاپ قالادى.
كەز كەلگەن كاسىبي ماماننىڭ اقپاراتتى تەكسەرۋى تىكەلەي مىندەتى ەمەس پە، ال مۇنى كوپشىلىك قىنجىلا قارسى الىپ جاتتى. ءبىراق، بارلىق الەمدە جۋرناليستكە ورتاق نارسە — ەستىگەن جاڭالىعىن ناقتىلاۋ. ول ءۇشىن باسپا ءسوز قىزمەتىنە نەمەسە سول اقپاراتتى جەتىك بىلەتىن ادامعا ەكى-ۇش قوڭىراۋ شالۋ، وقيعا ورنىنا بارۋ سياقتى فاكت-چەكينگە جۇگىنۋ كەرەك. ەگەر، كاسىبي جۋرناليست اقپاراتتى تەكسەرىپ، ءوز دامدەۋىشىن قوسا وتىرىپ بەرسە، سوندا عانا كاسىبيلىكتىڭ شىڭىندا بولادى دەپ ويلايمىن.
— ءسىزدىڭ مەكەمە مونيتورينگ جۇرگىزىپ، جۋرناليستەردىڭ جاپپاي تەكسەرىلمەگەن، كۇماندى اقپارات بەرەتىنىن انىقتاعان، بۇعان نە دەيسىز؟
شىنىمەن دە جۋرناليستەردىڭ تەكسەرىلمەگەن اقپاراتتاردى الەۋمەتتىك جەلىدەن الىپ، ءوز رەسۋرستارىندا جاريالاعانى تۋرالى فاكتىلەر بار. مەنىڭ ويىمشا، كەيبىر ب ا ق وكىلدەرى اقپاراتتىڭ شىنايىلىعىن تەكسەرۋدى مۇلدەم قويعان سياقتى. بۇل اۋديتوريانى وزىنە تارتىپ، بەرىلگەن اقپاراتتى كوممەرسياليزاسيالاۋ ماقساتىندا جۇزەگە اساتىن سياقتى.
— قالاي ويلايسىز، مەملەكەتتىك ارنالار قوعام كارتيناسىن، قازاقستاندىق قوعامدا بولىپ جاتقان پىكىرلەر پاليتراسىن بەرە الىپ جاتىر ما؟ كورەرمەننىڭ ءوز اقشاسىنا جاسالىنىپ جاتقان مىندەتتەرىن دۇرىس اتقارۋدا ما؟
— ارينە! ءسىز سوندا نە دەمەكسىز؟
— مەن سەنزۋرا تۋراسىندا ايتىپ وتىرمىن.
— ءسىز قالاي ويلايسىز؟ مينيستر، ءمينيستردىڭ ورىنباسارى، كوميتەت مۇشەلەرى ماتەريالدار ەفيرگە شىققانعا دەيىن ولاردى تەكسەرە مە؟ بۇل مۇمكىن ەمەس قوي. رەداكسيا مۇنىمەن ءوزى اينالىسادى.
— سەنزۋرا جۇيەلى تۇردە جۇزەگە اسادى، دەگەنمەن مەملەكەتتىك ارنالاردىڭ ءماتىندى پرەزيدەنت اكىمشىلىگىنە تەكسەرتكەن كەزدەرى بولدى. ءقازىر، ونداي سەنزۋرا بولماسا دا، سەنزۋرا بىزدە جۇيەلى. ەگەر، جۋرناليست وپپوزيسيا ميتينگى جايلى دۇرىس اقپارات بەرمەي، رەداكتور ونى وتكىزىپ قويسا، ەكەۋىن دە جۇمىستان شىعارادى. مۇنداي وقيعالار ورىن العان.
— 10-15 جىل حاباردا جۇمىس ىستەگەن ءبىر جۋرناليست رەسەي مەن ۇلىبريتانيادا ءتىلشى بولعان. تىلشىلىك پۋنكت جابىلاتىنى تۋرالى اكىمشىلىك شەشىم قابىلدانعان كەزدە، ول ءجۋرناليستىڭ كەنەتتەن «كوزى اشىلىپ» بۇلاي جۇمىس ىستەي المايتىنىن ءتۇسىنىپ، قازاقستاندا ءسوز ەركىندىگى جوق ەكەنىن جار سالا ايتتى! ول كىسىگە ءوز وتانىندا جۇمىس ىستەۋدى ۇسىنعان بولاتىن. بۇل كۇلكىلى جاعداي. ول ادام لوندوندا تۇرعان ون جىل بويىنا ءۇنسىز ءجۇرىپ، كەلىسىم شارت مەرزىمى بىتۋگە تاقاعان كەزدە سەنزۋرا ەسىنە تۇسە قالىپتى.
— مەن بۇل مىسالدى ارى قاراي تالقىلاپ، ۋشىقتىرمايمىن. ءبىراق، مەن ءسىزدىڭ اۋزىڭىزدان مىنانى انىق بىلگىم كەلىپ تۇر، سىزدىڭشە، ءبىزدىڭ تەلەارنالاردا سەنزۋرا جوق پا؟
— جۇيەلى سەنزۋرا جوق. مەملەكەتتىك اقپاراتتىق تاپسىرىس دەگەن تۇسىنىك بار. مەملەكەت كوزقاراسى تاراپىنان جاريالانۋعا ءتيىس تاقىرىپتار بولادى. كەيدە ولاردىڭ كوپ بولىپ كەتۋى دە ابدەن مۇمكىن. ءبىز دەنساۋلىق سالاسىنداعى نەمەسە يندۋسترياليزاسياداعى مەملەكەتتىك باعدارلامالاردى جاريالاتارمىز جانە تاعى سول سياقتى. ءبىز مەملەكەتتەن كەلەتىن اقپارات اعىنىن بالانستاۋمەن جۇمىس جاسايمىز. قالعانى رەداكسيانىڭ قاراۋىندا.
— دەمەك، مەملەكەتتىك گازەت پەن تەلەارنانىڭ جۇمىستارى كوڭىلىڭىزدەن شىعادى عوي...
— جالپىلاما ايتساق، ءيا.
— وندا، سىزدەر نەلىكتەن قورقاسىزدار؟ بيلىكتە وتە ۇلكەن، جويقىن اقپاراتتىق رەسۋرس بار. سىزدەر الاڭداۋشىلىق تۋعىزىپ، بولمايتىن بلوگەرلەردەن قورقىپ جاتاسىزدار؟
— ءبىز قورىقپايمىز. ءبىز تەك جۇيەلى جانە ناتيجەلى تۇردە جۇمىس اتقارعىمىز كەلەدى. مۇمكىن باز بىرەۋلەر بلوگەرلەردىڭ كەي جازبالارىنا شامادان تىس ءمان بەرەتىن بولار. ءبىراق، مەنىڭ پىكىرىمشە ولاردىڭ كوپشىلىككە اسەرى تۋرالى تىم اسىرا ايتىلۋدا.
مەنىڭ جەكە پىكىرىم، باستىسى «دۇرىس مەملەكەت» بولۋ. بۇل تۋراسىندا، الەمدەگى مەملەكەتتىك برەندينگ مامانى سايمون انحولتتىڭ ايتقانى بار.
ءبىراق، مەنى ىڭعايسىز جاعدايعا قالدىراتىن جاعدايلار دا جوق ەمەس. بىلەسىز بە، قازاقستاندا مەملەكەت اقشاسىنا كۆوتامەن جۇرەككە ارنالعان مىڭداعان وتالار جاسالادى. تۋبەركۋلەزبەن اۋىراتىنداردىڭ سانى جارتى ەسەگە قىسقاردى، انالار مەن بالالار ءولىمى ازايىپ جاتىر.
12 مىڭ كيلومەترلى وپتيكالى تالشىقتى سۋپەرماگيسترال جاسالدى. ەگەر ءسىز الەۋمەتتىك جەلىلەردەگى ديسكۋسسيانى قارايتىن بولساڭىز، ءبىزدىڭ ەلدەگى جاعداي ناشار سياقتى. تەك قانا نەگاتيۆتەر.
— ءبىراق ءسىز كۇن سايىن حاباردان پوزيتيۆ قانا ايتاسىز عوي.
— ونىڭ نەسى جامان؟
— ءسىز كەرەك باتىرمانى باسپاي، الەۋمەتتىك جەلىدە جىلاپ وتىراتىن قازاقستاندىقتارعا رەنجىپ وتىرسىز. سوندا ءوزىڭىزدى جاقسى كورسەتۋ ءۇشىن حالىقتى ينتەرنەتتە دە سەنزۋرالاماقشىسىز با؟
— ەگەر، ءبىز كىم نە ايتىپ، نە ويلايدى دەگەن ۋايىممەن جۇرەتىن بولساق، ەلىمىزدى دامىتۋ قيىنعا سوعار ەدى. ساياسي ەركىندىك دەگەن تۇسىنىك بار. ونىڭ بىردەن-بىر كورنەكتى ۇلگىسى – ءبىزدىڭ پرەزيدەنت. ول كىسىنىڭ «ءبىرىنشى ەكونوميكا، سوسىن بارىپ ساياسات» ءپرينسىپى مەملەكەتىمىزدىڭ نەگىزىن نىعايتۋعا مۇمكىندىك بەردى.
بۇل ازاماتتاردىڭ پىكىرىن ەسكەرمەۋ كەرەك دەگەندى بىلدىرمەيدى. ءبىراق، ينتەرنەت ەپوحاسى كەزىندە قوعامدىق تالقىنىڭ قىر-سىرى مەن وزگەشەلىگىن ەسەپكە الۋ كەرەكپىز. وندا ەموسيا كوپ، راسيوناليزم از.
مىسالىعا، 70ء-شى جىلدارى «ۇنسىزدىك بۇرالىمى» دەگەن پسيحولوگيالىق تەرمين پايدا بولدى، ياعني كوپشىلىكتىڭ پىكىرىنە قايشى كەلەتىن ويدى ايتۋدان ادامداردىڭ قورقۋى. الەۋمەتتىك جەلىنىڭ پايدا بولۋىمەن بۇل فەنومەن ودان ارى كۇشەيدى. قاراپ وتىرساڭىز قازاقستاندىق سەگمەنتتە شاعىستىرۋ، جەكەلەگەن ادامداردى جاپپاي وبۋسترۋكسيالاۋ جيىلەپ كەتتى. اڭگىمە سەنزۋرادا ەمەس، وزدىگىمىزدەن رەتتەلۋدە.
— دەگەنمەن، سىزدە الەۋمەتتىك جەلىگە دەگەن وكپە بار. جانە مەن ءسىزدى تۇسىنەمىن، سەبەبى كەي كەزدەرى وزىمدە ولارعا رەنجىپ جاتامىن، وندا حەيتەر، اقىماق پىكىرلەر مەن بوس اڭگىمە كوپ. جاقسى نارسەلەر دە جوق ەمەس.
— ەشقانداي رەنىش جوق. ءبىز بار نارسەگە وبەكتيۆتى تۇردە قارايمىز. ينتەرنەتتىڭ حالىققا اقپارات جەتكىزۋدە جاقسى قۇرال ەكەنىن جوققا شىعارمايمىن جانە ونى مەملەكەت قولدانۋى ءتيىس.
— ءسىز نەگە ادامدار جاقسى نارسەنى كورمەيدى دەپ ويلايسىز؟ مىسالى، مەن ءسىزدى فەيزبۋكتە وقيمىن، كەلە سالا 7 مىڭ تىركەلۋشى جيناپ ۇلگەردىڭىز. فەيزبۋكتە بىرنەشە جىل جۇرسەم دە، ارەڭ دەگەندە 9 مىڭعا جەتتىم. سىزدەن ءلۇپىلدى دە ايامايدى، باسپا ءسوز حابارلاماسىنان ءبىر ءماتىن جاريالاساڭىز، 200-300 ءلۇپىل دايىن تۇرادى. مۇمكىن نەگاتيۆتى رەاكسيانى عانا بايقايتىن ءوزىڭىز بولارسىز؟
— مەن بارلىعى نەگاتيۆ جازادى دەگەن جوقپىن. ءپوزيتيۆتى جاڭالىقتار جازىپ، ءلۇپىل باسىپ، ساتتىلىك تىلەپ جاتاتىن ادامدار بار. ءبىز زامانعا ساي بولعىمىز كەلەدى. جەكەلىكتە بلوگەرلەردى تىركەۋگە قاتىستى دا. شىنىمەندە، ءبىز مۇنداي مۇمكىندىك ۇسىنىپ وتىرمىز. ءبىراق، بۇل پروسەسستىڭ ەشكىمدى كۇشتەمەيتىنىن ايتقىم كەلەدى. كريتەرييلەرىمەن ءبىز ءالى جۇمىس ىستەيتىن بولامىز.
مۇنى نە ءۇشىن جاساعىمىز كەلەدى؟ مىسالىعا الساق، ساياسي اكتۋالدى تاقىرىپتا جازاتىن 100 مىڭ فوللوۆەرى بار ءبىر بلوگەر بار دەيىك. ءقازىر مەملەكەتتىك اقپارات تاپسىرىسى اياسىندا 20 مىڭ تارالىمى بار رەسپۋبليكالىق گازەتتەرمەن جۇمىس جاسايمىز. لوگيكالىق تۇرعىدان كىممەن جۇمىس ىستەگەن ءتيىمدى ەكەنىن قاراستىرۋعا بولادى. مىنە، ءدال وسىنى ءبىز قولعا الماقپىز. ءبىراق، بۇل ءۇشىن بەلگىلى ءبىر قۇقىقتىق قاتىناس كەرەك.
— سوندا سىزدەر بلوگەرلەردىڭ ءوز ەرىكتەرىمەن تىركەۋدەن ءوتىپ، مەمتاپسىرىس ءۇشىن اقى العانىن قالايسىزدار عوي؟ ءبىراق، قالاي سىزدەر بلوگەرگە ميلليون تەڭگە بەرەسىزدەر، ونى ەشكىم وقىماي كەتەدى.
— بۇل اڭگىمەگە ءبىر جىلدان كەيىن ورالايىق. مەن سىزگە بۇل نورما ىسكە قوسىلعاننان سوڭ، قورتىندىلارى بويىنشا سۇحبات بەرۋگە ۋادە بەرەمىن. سوندا عانا ءسىز كوپ نارسەنى تۇسىنەتىن بولاسىز، ال ءقازىر كەي ادامداردى ءسىز تىم يدەال ەتىپ جىبەردىڭىز. بلوگەرلەر – ءبىرىڭعاي ماسسا ەمەس.
— بلوگوسفەرا – فورماتى، رەداكتورلىق سەنزۋراسى جوق سالا، ال ءسىز بولساڭىز قالاسىن قالاماسىن بلوگەرلەردى قاراپايىم ەركىندىگىنەن ايىرعىڭىز كەلەدى.
— ءبىز ەشكىمدى ەركىندىگىنەن ايىرايىن دەپ جاتقان جوقپىز جانە ەشكىمگە باسىمدىلىق بەرمەيمىز. ءبىز الدىمەن اقپاراتتى جەتكىزۋدىڭ تيىمدىلىگىن قارايمىز. بۇل بار اقشانى الا سالىپ، بلوگەرلەرگە بەرە سالامىز دەگەندى بىلدىرمەيدى. ءبۇتىن ءبىر باسپا ەمەس، ءبىر ادامنىڭ تيىمدىلىگى بار جاعدايلار بولىپ تۇرسا، ءبىز ونى پايدالانۋ كەرەكپىز. مەملەكەتتىك اقپارات الاڭىن، تەك مەملەكەتتىك باق-پەن تارىلتۋعا بولمايدى. ءبىز تارگەتتەۋمەن بارا جاتىرمىز، بىزدە حالىققا تاراتقىمىز كەلەتىن قىزىق، پايدالى، ءار ءتۇرلى جاسقا ارنالعان اقپارات بار. جاستار ءۇشىن بلوگەرلەر ارقىلى بەرۋگە بولادى. ۆاينەرلەر ارقىلى بەرەيىك! مەملەكەت قاتىپ قالعان قاعيدامەن جۇرمەۋى كەرەك.
— ول ءۇشىن بلوگەرلەردى تىركەۋدىڭ قاجەتى قانشا؟
— سەبەبى، ءبىز ستاتۋسى جوق بەلگىسىز اداممەن كەلىسىم جاساي المايمىز.
— قالاماعان ادام، ءوزى جەكە جۇمىس ىستەي بەرە مە؟
— ارينە. ءبىراق، قۇقىق اياسىندا.
— باق-قا قاتىستى ءاربىر جاڭا زاڭدى جۋرناليستەر قىزىعۋشىلىعىنا قاتىستى دەپ تۇسىندىرەدى. جۋرناليستەر ايدىنىن تارىلتىپ جاتقاندارىمەن، ءسوز ءبارىبىر ەركىندىكككە ۇمتىلادى – ءومىر سونداي، تابيعات سونداي. مىنە، وسى كەزدە جاڭا زاڭ شىعا كەلەدى.
— گۇلنار، ءبىز سىزبەن مەدياورتالىقتىڭ جيىرماسىنشى قاباتىندا وتىرمىز. ءقازىر كەشكى ساعات 8، مەن سىزگە سۇحبات بەرىپ وتىرمىن. ءسىز زاماناۋي عيماراتتا وتىرسىز، اقپارات مينيسترىنە كەز-كەلگەن سۇراق قوياسىز، مەن ءسىزدىڭ بارلىق سۇراقتارىڭىزعا جاۋاپ بەرىپ وتىرمىن، جاۋاپ بەرمەۋگە قۇقىلى ەمەسپىن. ال، ءسىز ماعان شەكتەۋلەر تۋرالى شاعىم ءتۇسىرىپ وتىرسىز...
— سىزدەردىڭ مينيستىرلىك جەر ميتينگىسىنەن كەيىن سولارعا رەاكسيا رەتىندە قۇرىلدى ەمەس پە؟
— ءيا، قابىلدانعان شارالاردى ءتۇسىندىرۋ جاعىنان پروبلەمالار بولعان كەزدە شەشىمدى ەلباسى ءوزى قابىلدادى. سول ءۇشىن ءبىز بارىنشا قولجەتىمدىمىز.
— جۋرناليستەرگە كومەكتەسكىلەرى كەلەدى، بلوگەرلەرگە كومەكتەسىكىلەرى كەلەدى، بيزنەسكە كومەك كورسەتپەك... مۇمكىن مەملەكەتكە ءبارىن ءوز جايىنا قالدىرۋ كەرەك شىعار؟ ازاماتتار ءۇشىن مەملەكەتتىڭ بار جاقسىلىعى- ولاردى جايىنا قالدىرۋ بولار؟
— ءسىزدىڭ سوزگە ەشتەڭە دەمەي-اق قويايىن. ءبىراق، بۇگىن ءومىردىڭ بارلىق سالاسىندا مەملەكەت يەلىگىنە ءوتۋ پروسەسسى ءجۇرىپ جاتقانىن ەسىڭىزگە سالا كەتەيىن.
— مەنىڭ ويىمشا، ءبىزدىڭ مەملەكەت كەزبە سەكىلدى، ول بارلىق جەردە جۇرگىسى كەلەدى، جانە ولسىز مۇلدەم تىنىس الۋ دا مۇمكىن ەمەستەي بولۋعا ۇمتىلۋدا.
— كەلىسپەيمىن. ءقازىر مەملەكەت مەنشىگىن جەكەشەلەندىرۋ قالاي ءجۇرىپ جاتقانىن كورىپ جاتسىز. كەشە بانكتەردى ساقتاپ قالۋ كەرەك بولدى، مەملەكەت كەلدى. سول كەزدە سامۇرىق-قازىنا قۇرىلدى. مەملەكەت دەگەن تۇسىنىك كەتىپ بارا جاتىر. ول بۇگىنگى كۇننىڭ ترەندىنە قاراپ، ەرتەڭگى، ارعى كۇنگى ترەندەرتى بولجاۋعا تىرىسىپ جاتىر.
— ەڭ وكىنىشتىسى قازاقستان ءوز ىشىندە دە، مەملەكەت سىرتىندا دا مۇناي، كوررۋپسيا، بورات، توقال سىندى تۇسىنىكتەر ەسكە تۇسەدى... ءسىز قالاي ويلايسىز بۇل ستەروتيپتەردى ءبىر عانا سيمۆولمەن جويۋعا بولا ما؟
— بۇل ءسىزدىڭ سۋبەكتيۆتى پىكىرىڭىز. مەن ءۇشىن قازاقستان – ول استانا. تەرەزەگە قاراڭىز، دالا، ارى قاراي تاۋلار، بۇركىت، تۋعان اۋىلىمىز، مەكتەپ، وتباسى. كەيبىرەۋدە ءسىز ايتقان اسسوسياسيالار بولۋى مۇمكىن. سىزدە تاعى دا نەگاتيۆ.
— ءسىز مەنى دۇرىس تۇسىنبەگەن سياقتىسىز. سۇراق ءبىزدىڭ ءومىرىمىزدى نە سيپاتتايدى، ادامداردىڭ كوڭىل كۇيىن دەگەندەي؟
— اركىمنىڭ ومىرگە دەگەن كوزقاراسى ءارتۇرلى. كوپتەگەن ءپوزيتۆيتى مىسالدار بار.
— ءسىز پرەزيدەنتتىڭ ءباسپاسوز-حاتشىسى، كەڭەسشىسى بولدىڭىز، ول كىسىنىڭ جۋرناليستەرگە دەگەن كوزقاراسى قانداي؟ كەڭەس زامانىندا ول كىسىدە وزىنە زيانى ءتيىپ كەتە جازداعان ماقالا جازعان بولاتىن جانە وسى ارقىلى ءبىزدىڭ ماماندىققا دەگەن تەرەڭ تۇسىنىستىكتى وياتاتىن بولار.
— مۇمكىن، قانداي دا ءبىر اياۋشىلىق سەزىمىن تانىتۋ ەمەس، سىزدەردىڭ ماماندىقتارىڭىزعا دەگەن تەرەڭ تۇسىنىستىك دەپ ايتۋ كەرەك شىعار. مەن مۇنى پرەزيدەنتتىڭ بۇرىنعى حاتشىسى رەتىندە سەنىمدى تۇردە ايتا الامىن. جالپى، ەلباسى جۋرناليستەرمەن بارىنشا اشىق سويلەسۋگە تىرىسادى.
— وقىرمان نۇرسۇلتان نازاربايەۆتىڭ سۇيىكتى گازەتى قانداي؟
—ول كىسى كوپتەگەن گازەتتەردى وقيدى. ول مىندەتتى تۇردە قارايتىن گازەتتەر بار. ول ۇنەمى تولىقتىرىلىپ وتىرادى. سىزدەر پرەزيدەنت ءۇشىن باق-تىڭ باستى اقپارات كوزى ەكەنىن بىلۋلەرىڭىز كەرەك.
—تەلەارنالاردى قاراي ما؟ حابار؟ قازاقستان؟ كتك؟
— البەتتە، قارايدى. ءبىرىنشى كەزەكتە جاڭالىقتار. حابار، قازاقستان جانە باسقا دا تەلەارنالاردى كورەدى. پرەزيدەنت تەك جاڭالىقتاردى عانا ەمەس، باسقا دا باعدارلامالاردى كورەدى. سپورت، مۋزىكا، كينو –كادىمگى قاراپايىم ادامدار كورەتىن نارسەلەر.
— پرەزيدەنت ينتەرنەتتە وتىرا ما؟ سايتتاردى وقي ما؟
— كۇن سايىن ماڭىزدى سايتتاردى قاراپ وتىرادى. جاڭا ايتقانىمداي، پرەزيدەنت جان-جاقتى كىسى، ءبىر عانا اقپارات كوزىنە سۇيەنبەيدى.
— سۇيىكتى بلوگەرى كىم؟
— مۇنى مۇمكىندىك تۋعاندا وزىنەن سۇراعانىڭىز دۇرىس بولار
— سوندا دا؟
— ايدان كارىبجانوۆ... ءازىل ارينە.
ورىس تىلىنەن اۋدارعان: ايجان قالييەۆا
