وقو-دا ۇدەمەلى يندۋستريالىق-يننوۆاسيالىق دامۋ باعدارلاماسىنىڭ قاردىلاندىرۋ كوزى بولىپ تابىلاتىن "ىرىس" قارجى ۇيىمى ارقىلى "جۇمىسپەن قامتۋ 2020" باعدارلاماسى اياسىندا 1003 جوبا قارجىلاندىرىلعان.  بۇل تۋرالى بۇگىن وقو ايماقتىق كوممۋنيكاسيالار ورتالىعىندا وتكەن باسپا ءسوز بريفينگىندە مەملەكەتتىك «جۇمىسپەن قامتۋ 2020» جول كارتاسى باعدارلاماسى اياسىندا وڭىرىمىزدەگى «ىرىس» ميكروقارجى ۇيىمىنىڭ ديرەكتورى حيلولا نازارمەتوۆا مالىمدەدى دەپ حابارلايدى وبلىس اكىمدىگىنىڭ رەسمي سايتى. 2011-2015 جىلدار ارالىعىندا اتالعان باعدارلاما اياسىندا قارجى ۇيىمى 1003 جوبانى 2،1 ميلليارد تەڭگەگە قارجىلاندىردى. ونىڭ ىشىندە مال شارۋاشىلىعى بويىنشا 1،8 ميلليارد تەڭگەگە 888 جوبا؛ ەگىن شارۋاشىلىعى بويىنشا 106،5 ميلليون تەڭگەگە 44 جوبا؛ ال ءار ءتۇرلى قىزمەت تۇرلەرى بويىنشا 150 ميلليون  تەڭگەگە 71 جوبا جۇزەگە اسىرىلعان. «بيىل اتالعان باعدارلاما بويىنشا وبلىسىمىزعا 7،0 ميلليارد تەڭگەدەن استام قاراجات ءبولىنىپ، ونىڭ 3،8 ميلليارد تەڭگەسى «اۋىلشارۋاشىلىعىن قارجىلاي قولداۋ قورى» ارقىلى تاراتىلدى. ول جەردە كاسىپكەرلەرگە ەڭ جوعارعى سوما 3،0 ميلليون تەڭگەگە دەيىن بەرىلدى»،- دەدى ح.نازارمەتوۆا. ايتا كەتەيىك، قاراجاتتى الۋعا نيەت بىلدىرگەن ازاماتتار ەڭ الدىمەن «جۇمىسپەن قامتۋ 2020» جول كارتاسى باعدارلاماسىنىڭ تالاپتارىنا ساي كەلۋ كەرەك. بەرىلەتىن نەسيەنىڭ ماكسيمالدى سوماسى 6،0 ميلليون تەڭگە، جىلدىق سىياقىسى 7%، 54 ايعا دەيىن بەرىلەدى. ال نەسيە الۋشىلارعا قويىلاتىن تالاپتارى رەتىندە، بيزنەستى (جوبانى) ىسكە اسىراتىن ورنىنىڭ بولۋى، نەسيە تاريحىنىڭ تازا جانە سوڭعى 12 اي ىشىندە تولەمى كەشىكتىرىلگەن نەسيەسى بولماۋى شارت.

^{http://rgmedia.kz/}