وڭتۇستىك قازاقستان وبلىسى بايدىبەك اۋدانىنا وبلىستىق ىشكى ساياسات باسقارماسىنىڭ باس مامانى مەكەنحان قىرىقبايەۆ، وڭتۇستىك قازاقستان وبلىستىق مەملەكەتتىك پەداگوگيكا ينستيتۋتىنىڭ اعا وقىتۋشىسى، تاريح عىلىمدارىنىڭ كانديداتى، وبلىستىق اقپاراتتىق-ناسيحاتتىق توپ مۇشەسى، لەكتور ءباحادۇر ايتاي بارىپ، تاۋەلسىزدىك العان 1991 جىلدان بەرى 25 جىلدا ەلىمىزدە قول جەتكەن جەتىستىكتەردى، وڭ كورسەتكىشتەردى، ونىڭ ىشىندە وبلىستاعى، اۋدانداعى، ەلدى مەكەندەگى وڭ وزگەرىستەردى ءاربىر تۇرعىنعا جەتكىزۋ ماقساتىندا اۋدان تۇرعىندارىمەن كەزدەستى، دەپ حابارلايدى اۋدان اكىمدىگىنىڭ باسپا ءسوز قىزمەتى.
تاۋەلسىزدىكتىڭ 25 جىلدىعى مەرەكەسى قارساڭىندا ماڭىزدى تاريحي، جالپى مەملەكەتتىك جانە يدەيالىق مانگە يە ەكەندىگىن ەسكەرە وتىرىپ، وبلىس تۇرعىندارىنا مەرەكەلىك شارالار ۇيىمداستىرۋ ارقىلى جالپىۇلتتىق بىرلىكتىڭ، تاتۋلىق پەن كەلىسىمدى قامتاماسىز ەتۋدىڭ قازاقستاندىق مودەلىن، مەملەكەت باسشىسىنىڭ قازاقستان تاۋەلسىزدىگىنىڭ قالىپتاسۋىنداعى ءرولىن، جالپىالەمدىك جانە وڭىرلىك پروبلەمالاردى شەشۋدەگى باستامالارىن ناسيحاتتاۋ باستى نازاردا بولدى.
سونىمەن بىرگە اگرووندىرىستى ايتپاي كەتۋگە بولمايدى. اۋىل شارۋاشىلىعىنىڭ تاۋەلسىزدىك جىلدارىندا اتقارىلعان شارالار مەن "اگروبيزنەس-2020"، "سىباعا" باعدارلامالارىنىڭ جۇزەگە اسۋ بارىسىنىڭ ءوڭىردىڭ ەكونوميكاسىنا قانشالىقتى اسەر ەتەكەنى دە ءسوز ەتىلدى. وڭتۇستىك ءوڭىر اگرارالى ءوڭىر ەكەنى دە ۇمىتىلمادى. سەميناردى قورىتىندىلاي كەلە، اۋدان اكىمىنىڭ ورىنباسارى ايكەن تەمىر ءسوز الىپ،ءبىرىنشى كەزەكتە تاۋەلسىزدىك جىلدارى اتقارىلاتىن جۇمىستاردى ناسيحاتتاۋعا جان-جاقتى جۇمىلۋىمىز كەرەكتىگىن، ەلىمىزدە تاۋەلسىزدىك جىلدارىندا جەتكەن جەتىستىكتەردى ناسيحاتتاۋ، ءتۇسىندىرۋ، جۇزەگە اسىرۋ جالپى قوعامعا جۇكتەلگەن مىندەت ەكەنىن ايتىپ ءوتتى.
