سەۋل تۇرعىندارى پرەزيدەنت پاك كىن حە وتستاۆكاعا كەتسىن دەپ كوشەلەردەن تاراماي تۇر.

BBC حابارلاعانداي، كورەيادا پرەزيدەنتكە قارسى اۋقىمدى ميتينگ ءوتىپ جاتىر. «پرەزيدەنت وتستاۆكا كەتسىن» دەگەن تالاپپەن سەۋل كوشەلەرىندە حالىقتىڭ قارسىلىق كورسەتكەنىنە ايدان استام ۋاقىت بولدى. ميتينگتى ۇيىمداستىرعاندار بۇل جولى ناشار اۋا رايىنا قاراماي قارسىلىق ءبىلدىرىپ، كوشەگە شىققانداردىڭ سانى 1،5 ملن بولادى دەپ كۇتىپ وتىر.

سەۋل اكىمشىلىگى ميتينگتە قاۋىپسىزدىكتى ساقتاۋ ءۇشىن 25 مىڭ پوليسەي دايىنداعان. باق-تىڭ جازۋىنشا، قالانىڭ سولتۇستىگىندەگى پرەزيدەنتتىڭ رەسمي رەزيدەنسياسى كوك ۇيگە بارار جولعا ەرەۋىلشىلەر تولىپ قالعان. دەمونسترانتتار «پاك كىن حەدە ەل باسقاراتىنداي بازالىق ساپا جوق» دەپ مالىمدەدى.

ايتا كەتسەك، بۇعان دەيىن كورەي پروكۋراتۋراسى پرەزيدەنت كومەكشىسى چحۆە سۋن ءسيلدى اقشا داۋىنا بايلانىستى ايىپتاعان بولاتىن. 20 قاراشادا وعان بيلىكتى اسىرا پايدالانۋ بويىنشا رەسمي ايىپ تاعىلدى.  كونستيتۋسياعا ساي، پروكۋراتۋرا قىزمەت اتقارىپ وتىرعان پرەزيدەنتكە قىلمىستىق ايىپ تاعا المايدى.

64 جاستاعى پاك كىن حە – وڭتۇستىك كورەيانىڭ 11 پرەزيدەنتى. ول بۇرىنعى پرەزيدەنت پاك چون ءحيدىڭ قىزى. پاك كىن حە ەل باسشىسى لاۋازىمىنا 2013 جىلدىڭ 25 اقپانىندا وتىرعان. ول ۇيلەنبەگەن، بالاسى جوق.