ەسەپتى كەزەڭدە وبلىستا ءمۇيىزدى ءىرى قارانىڭ سانى 778،4 مىڭ، قوي مەن ەشكى 3623 مىڭ، جىلقى 207 مىڭ، تۇيە 21،9 مىڭ، قۇس 2484،8 مىڭدى قۇراپ، وتكەن جىلمەن سالىستىرعاندا ورتاشا 5%-عا ازايعان. دەگەنمەن، ەت ءونىمى 5،1%-عا ارتىپ، 202،4 مىڭ تونناعا، ءسۇت 1،5%-عا ارتىپ، 703،1 مىڭ تونناعا جەتكەن، جۇمىرتقا 5،7%-عا ارتىپ، 293،8 ملن. دانا ءوندىرىلدى.

          «سىباعا» باعدارلاماسىمەن 22،5 مىڭ انالىق (ونىڭ ىشىندە قارجى ينستيتۋتتارى ارقىلى 6819 انالىق ءىقم، رەسپۋبليكاداعى ۇلەس 12%) ساتىپ الىنىپ، تاپسىرما 1،3 ەسەگە ارتىق ورىندالدى. تۇقىمدىق تۇرلەندىرۋگە 57،4 مىڭ انالىق ءىقم قاتىسۋدا، جالپى انالىق باسقا شاققانداعى ۇلەسى 21،1%-عا جەتتى (رەسپۋبليكا بويىنشا - 24،6%).

          «التىن اسىق» باعدارلاماسى بويىنشا 45،5 مىڭ ۇساق مال الىنىپ، تاپسىرما 2،3 ەسەگە ارتىق ورىندالدى. ونىڭ ىشىندە قارجى ۇيىمدارى ارقىلى 22،1 مىڭ ۇساق مال الىنىپ، وبلىستىڭ رەسپۋبليكاداعى ۇلەسى 16،8%-دى قۇرادى.

          «قۇلان» باعدارلاماسى اياسىندا 4341 جىلقى الىندى، تاپسىرما 62% ارتىعىمەن ورىندالدى. ونىڭ ىشىندە قارجى ۇيىمدارى ارقىلى 3،2 مىڭ باس الىنىپ، وبلىستىڭ رەسپۋبليكاداعى ۇلەسى 9،8%-دى قۇرادى.

          وڭىرلىك مال شارۋاشىلىعىن دامى­تۋدىڭ 2014-2016 جىلدارعا ارنالعان ءىس-شاراسى اياسىندا وتكەن جىلى جالپى 2289 جوباعا 5،6 ملرد. تەڭگە (ونىڭ ىشىندە مال بورداقىلاۋ الاڭدارىنا 2077 جوباعا 4،9 ملرد. تەڭگە؛ 5-10 باستىق وتباسىلىق ءسۇت فەرمالارىنا 205 جوباعا 523،0 ملن. تەڭگە؛ ءسۇت قابىلداۋ بەكەتتەرىنە 1 جوباعا 38،8 ملن. تەڭگە؛ سەلولىق تۇتىنۋ كووپەراسياسىنا 6 جوباعا 135،2 ملن. تەڭگە) نەسيە قارجى بەرىلدى (2014 ج. 5،9 ملرد. تەڭگە 2166 جوبا قارجىلاندىرىلدى).بيىلعى جىلى دا بۇل شارالار ءوز جالعاسىن تاۋىپ جەمىستى ناتيجەلەر كورسەتۋدە.

سونىمەن قاتار، ءوز قارجىسى ەسەبىنەن قوسا العاندا 3108 مال بورداقىلاۋ الاڭى، 609 شاعىن وتباسىلىق ءسۇت اۋلاسى، 28 شاعىن قۇس فەرماسى، 47 ءسۇت قابىلداۋ بەكەتى، 8 ستك اشىلدى.