وڭتۇستىك قازاقستان وبلىسى وتىرار اۋدانىندا قازاقستان رەسپۋبليكاسى تاۋەلسىزدىگىنىڭ 25 جىلدىق مەرەكەسى اياسىندا اۋىل شارۋاشىلىعى قىزمەتكەرلەرىنىڭ جىل قورىتىندىسى بويىنشا «التىن كۇز-2016» مەرەكەسى اتالىپ ءوتىلدى، دەپ حابارلايدى وتىرار اۋدانى اكىمدىگىنىڭ باسپا ءسوز قىزمەتى.  جىل بويى اپتاپ ىستىقتا جۇگەرى مەن باقشا ونىمدەرىن باپتاپ وسىرگەن ديحاندار مەن مال باسىن كوبەيتۋگە وراسان ۇلەس قوسىپ جۇرگەن شارۋالار سىردىڭ ارعى بەتى مەن بەرگى بەتىنەن كەلىپ، قاۋىشىپ جاتتى. ورتالىق الاڭ مەرەكەگە ساي بەزەندىرىلگەن. اۋىل شارۋاشىلىعى وزاتتارىن وتىرار اۋدانىنىڭ اكىمى ەرلان ايتاحانوۆ قۇتتىقتادى. «بيىلعى جىل اۋدانىمىزدىڭ اۋىل شارۋاشىلىعى سالاسى ءۇشىن جەمىستى جىل بولدى دەپ ايتساق قاتەلەسپەيمىز. جىل باسىندا 24338 گا جەرگە تۇرەن سالىنسا، 5400 گا القاپقا وتىراردىڭ برەندىنە اينالعان جۇگەرى داقىلدارى ەگىلدى. 9 ايدىڭ قورىتىندىسى بويىنشا 9 ملرد. 248 ملن تەڭگەنىڭ ونىمدەرى ءوندىرىلىپ، 102،3 پايىزدى قۇرادى. سونىمەن قاتار، اۋدان «التىن اسىق» باعدارلاماسى بويىنشا 107%، «قۇلان» باعدارلاماسى بويىنشا 105 %، «سىباعا» باعدارلامالارىنىڭ ورىندالۋى بويىنشا 150،5%-دى قۇراپ، وبلىستا الدىڭعى قاتاردان كورىندى»، - دەدى اۋدان اكىمى ەرلان ايتاحانوۆ. بارشا اۋدان تۇرعىندارىن «التىن كۇز-2016» مەرەكەسىمەن قۇتتىقتاعان اۋدان باسشىسى وزات ەڭبەككەرلەرگە ارنايى العىس حاتتار مەن باعالى سىيلىقتار تاپسىردى.

http://www.inform.kz/