ق ر تاۋەلسىزدىگى كۇنى - 16 جەلتوقساندا قوعامدىق كولىكتە جول ءجۇرۋ تەگىن بولادى. ءتيىستى شارا «25 جۇلدىزدى كۇن» اكسياسى اياسىندا ۇيىمداستىرىلادى، دەپ حابارلايدى قالالىق اكىمدىكتىڭ سايتى.

جەلتوقسان ايىندا 70-تەن اسا مادەني-بۇقارالىق شارا وتكىزىلمەك. سونىڭ ىشىندە، ءتۇرلى اكسيالار، كورمەلەر مەن كونكۋرستار بار. بۇگىندە I love Astana، I love KZ فلەشموبتارى، ءانۇراندى ءبىلۋ بويىنشا كونكۋرس، جالپى رەسپۋبليكالىق دوستىق ساباعى جانە ت.ب. وتكىزىلدى. ال 18 جەلتوقساندا ەلدىڭ باستى شىرشاسى جاعىلادى. 15 جەلتوقساندا ساداق اتۋدان تاۋەلسىزدىكتىڭ 25 جىلدىعىنا ارنالعان استانا قالاسىنىڭ چەمپيوناتى وتەدى. سونداي-اق، جاڭا جىل قارساڭىندا استانالىقتار شاڭعى جارىسىندا ب ا ق سىناسادى. مۇنىمەن قوسا، ءبىر ايدىڭ ىشىندە ۇزدىك قۇرىلىسشىلار، كاسىپكەرلەر، پەداگوگتار، ووو جانە جوو ستۋدەنتتەرى ايرىقشا گراموتالارمەن، العىس حاتتارمەن ماراپاتتالادى.