جەر بەتىندە «ماڭگىلىك جاز» اتانىپ كەتكەن ەلدەر بارشىلىق. بۇل ەلدەر قاردى تەك كوگىلدىر ەكراننان كورمەسە، قىستىڭ قانداي سۋىق بولاتىنىن ەلەستەتە دە المايدى. «ماڭگىلىك جاز» ەلدەرىنە بىرگە ساياحاتتايىق دەپ جازادى massaget.kz.

اۆستراليا

جەلتوقسان مەن اقپان ايىنىڭ ارالىعىندا قالىپتى جاعدايدا قار ءتۇسىپ، قىس مەزگىلى بولاتىن كەز. ءبىزدىڭ ەلدە دە بۇل ايلاردا قار قالىڭ ءارى قىس سۋىق بولادى. ال اۆستراليادا كەرىسىنشە وسى كەزدە باقتارى گۇلدەپ، جاسىل جەلەككە ورانادى. اۋا تەمپەراتۋراسى +30 گرادۋسقا دەيىن جەتەدى.

بالي. يندونەزيا

تروپيكالىق ورماندارعا تولى باليدا ماڭگى جاز. +33 گرادۋسقا دەيىن جەتەتىن ەلدە ءسىز جاقسى دەمالىپ قايتۋعا مۇمكىندىك الا الاسىز. كۇندىز ىستىق، كەشكىسىن تروپيكالىق سالقىن جەل عانا بولادى.

گوا. ءۇندىستان

گوا – ەڭ ىستىق ءارى تابيعاتى كەرەمەت جەر. ءۇندىستاندا ورنالاسقان گوانىڭ جاعالاۋلارىنان ساياحاتشىلار اياعى ۇزىلگەن ەمەس. اۋا تەمپەراتۋراسى بىزدە –30 بولعان كەزدە، بۇل جەردە، كەرىسىنشە، +32 گرادۋس ىستىقتى كورسەتەدى.

مىسىر

ەجەلگى ءومىردىڭ قاقپاسىن اشاتىن، پيراميدالارعا تولى مىسىردا ماڭگىلىك جازدىڭ بەلگىسى رەتىندە قۇمدى دالاسىن كورەمىز. +30-35 گرادۋس اراسىندا ىستىقپەن ارپالىسىپ جۇرۋگە دايىن بولساڭىز، «ماڭگىلىك جاز» ءسىزدى قۇشاق جايا قارسى الادى.

مالديۆ

قىمبات تاستاردىڭ وتانىنا اينالعا مالديۆ ارالدارى سىزگە تانىس. ءۇندى مۇحيتىمەن كومكەرىلىپ جاتقان ارالدا ءسىز ەستەن كەتپەس دەمالىس وتكىزەسىز. بۇل ەلدە اۋا تەمپەراتۋراسى +30 گرادۋستان اسادى.