اقتوبە وبلىسىنداعى شالقار اۋداندىق اكىمدىك عيماراتى الدىندا بەلگىسىز بىرەۋ "اللاھۋ اكبار" دەپ ايقايلاپ، قولىنداعى تاياعىمەن عيمارات الدىنداعى شامداردى سىندىرعان دەپ حابارلايدى 31 ارنا.

اكىمدىك قىزمەتكەرلەرى مەن تۇرعىنداردىڭ زارەسىن العان ازاماتتىڭ بۇل ىسكە نە ءۇشىن بارعاندىعى ازىرگە بەلگىسىز.

بەينەجازبادا "اللاھۋ اكبار" دەپ ايقايلاپ جۇگەن اشۋلى ازامات كوشەدەگى ادامدار مەن كولىكتەرگە ۇمتىلىپ، ودان قالدى قولىنداعى تاياعىمەن اكىمشىلىك الدىندا تۇرعان شامداردى سىندىرىپ ءجۇر. ءبىراق ۆيدەودان قوعامدىق ءتارتىپتى بۇزعان ادامدى توقتاتۋعا اكىمشىلىك قىزمەتكەرلەرى دە، كۇزەتشىلەرى دە شىقپاعان.

ال شالقار اۋدانىنىڭ باسشىلىعى بۇل جاعداي تۋرالى بىلمەيتىن بولىپ شىقتى. ال اكىمدىك عيماراتى الدىنىڭ تاس-تالقانىن شىعارعانىن كورە تۇرا شىقپاعان قىزمەتكەرلەر مەن كۇزەتشىلەر، ەسەسىنە كەلتىرىلگەن شىعىندى 80 مىڭ تەڭگە دەپ ساناپ قويىپتى.