«سىباعا» – اۋىلشارۋاشىلىق تاۋارلارىن وندىرۋشىلەر ءۇشىن ەڭ قولجەتىمدى نەسيەلەندىرۋ باعدارلاماسىنىڭ ءبىرى. سونداي-اق، بۇل وسى باعىتتا ءوز بيزنەسىن اشۋعا نيەتتەنگەن، ءبىراق، مال شارۋاشىلىعى سالاسى جۇمىسىندا تاجىريبەسى جوقتار ءۇشىن ءتيىمدى. بۇعان قوسىمشا، نەسيەلەندىرۋ جاعدايىن جاساۋ كەزىندە جەكەمەنشىك بيزنەستىڭ مۇددەسى مەن مۇمكىندىگى ەسەپكە الىندى. سىياقىنىڭ پايىزدىق دەڭگەيى دە تومەن. ياعني، 14 پايىزدىڭ جارتىسىن مەملەكەت سۋبسيديالايدى. ونىڭ ۇستىنە، قارىز تولتىرۋ جۇمىسى مەن جەڭىل­دىك مەرزىمىن كەپىلدىكپەن قامتا­ماسىز ەتۋ تالابى دا قىسقارتىلعان. بۇعان قوسا وتە قاراپايىم تىلدە بارلىق ءمان-جاي تۇسىندىرىلەدى. سوزاق اۋدانىنىڭ تۇرعىنى رەتىندە  حالىق اراسىندا باعدارلامانى ناسيحاتتاۋ جۇمىسى دا قولعا الىنعانىن ايتا كەتۋ كەرەك.

          تاۋارلىق تابىننىڭ تۇقىمدىق ساپاسىن جاقسارتۋدى كوزدەيتىن باعدارلاماعا  سوزاق اۋدانىندا ايرىقشا قىزىعۋشىلىق باي­قالادى. ماسەلەن، بيىلعى جىلى اۋداندا 5 شارۋاشىلىق باعدارلاماعا قاتىسسا، ەكى شارۋاشىلىق 53 ميل­ليون 250 مىڭ تەڭگە نەسيەنى رەسىمدەدى.

          ماعان اۋداندىق اۋىل شارۋاشىلىعى ءبولىمىنىڭ قىزمەتكەرلەرى ءتيىستى قۇجاتتاردى دايىنداۋىما كومەكتەستى. باعدارلامانىڭ ءاربىر تارماعىن جەتە ءتۇسىندىردى. اۋىل تۇرعىندارىنىڭ كوبى نەسيە الۋعا جۇرەكسىنەدى. قيىنشىلىقتان قاشپايتىن ادامدارعا مەملەكەت سۋبسيديالاۋ ارقىلى قولداۋ كورسەتىپ، جان-جاقتى كومەكتەسەتىنى قانداي عانيبەت. مەملەكەتتىڭ قولداۋىنسىز مال باسىن كوبەيتە الماس ەدىك. بۇل ۇلكەن ەڭبەك. «سىباعا» اۋىل ادامدارىن ۇلكەن ىستەرگە جىگەرلەندىرەدى.

الماس اسانوۆ، سوزاق اۋدانىنىڭ تۇرعىنى