شىمكەنتتىڭ ىرگەسىندەگى سايرام اۋدانىنىڭ ەكونوميكالىق الەۋەتى جوعارى. مۇندا حالىقتىڭ دەنى شاعىن جانە ورتا بيزنەسپەن اينالىسادى. اۋداندا الەۋمەتتىك ماسەلەلەر مەن ينفراقۇرىلىم تارتۋ جۇمىستارى لايىقتى دەڭگەيدە جۇرگىزىلۋدە.

          سايرام اۋدانى نەگىزىنەن - اگرارلى اۋدان. ەجەلدەن اۋىل شارۋاشىلىعى ونىمدەرىن وڭدەۋمەن اينالىسادى. كەڭەس وداعى ىدىراعاندا دا ءتول كاسىپتەرىنەن اجىرامادى. ەگىن ەگىپ، ونى قايتا وندەدى. ءسۇت وڭدەۋ جىلىنا 160 مىڭ تونناعا جەتتى. مال ءوسىرىپ، بورداقىلادى. ەت ەكسپورتىنىڭ جىلدىق كولەمى - 21 مىڭ توننا. وزدەرى تۇتىناتىن قاجەتتىسىنەن بولەك، وزگە ايماقتارعا اپارىپ ساتادى. ەندىگى مەجە - وسى ەتتى بۇقتىرىپ، وڭدەپ كونسەرۆى ونىمدەرىن شىعارۋ.

          سايرامدا اۋىز سۋ ماسەلەسى ايتارلىقتاي شەشىلگەن. جىل سوڭىنا دەيىن اۋدان  حالقىنىڭ 80 پايىزى گازبەن قامتىلادى. جالپى، كوممۋنالدىق ماسەلەلەر 2020 جىلى تۇبەگەيلى شەشىمىن تابۋى كەرەك،-دەيدى اۋدان اكىمى سامات ساپاربايەۆ. اۋدان اكىمى سونىمەن بىرگە ەتتى ءوندىرۋ ماسەلەسى كەنجەلەپ قالعانىن جاسىرمادى.

سايرامدا 3 اۋىسىمداعى مەكتەپ ماسەلەسى دە جۋىق ارادا جويىلادى. بالاباقشا جاسىنداعى بۇلدىرشىندەر مەملەكەت پەن جەكەمەنشىك ارىپتەستىك ناتيجەسىندە مەكتەپكە دەيىنگى تاربيە بەرۋ مەكەمەلەرىمەن قامتىلعان.  اۋدان اكىمدىگىنىڭ ەندىگى جوسپارى – اۋىل شارۋاشىلىعى ونىمدەرىن قايتا وڭدەۋ سالاسىن بۇدان دا جوعارى دەڭگەيگە شىعارۋ. بۇل ماقساتتا دا ۇلكەن مىندەتتەر قويىلعان. اتقارىلار شارۋالار دا شاش ەتەكتەن. 

http://shymkenttv.kz/