شاردارا اۋدانىندا مەملەكەت تاراپىنان جاسالعان جاعدايلار مەن بەرىلگەن مۇمكىندىكتەردى پايداسىنا دۇرىس پايدالانا بىلگەن شارۋالار ءبىر عانا «سىباعا» مەملەكەتتىك باعدارلاماسى بويىنشا 1275 باس ءىرى قارا ساتىپ العان. جوسپار بويىنشا شاعالالى ايماقتا مىڭ ەكى ءجۇز باس ساتىپ الىنۋ كەرەك بولاتىن. ناتيجەسىندە تاپسىرما 106،3 پايىزعا ارتىعىمەن ورىندالعان.
شاردارا اۋدانىندا اتقارىلعان جۇمىستار تۋرالى ايماقتىڭ رەسمي سايتىندا جاريالانعان مالىمەتتەرگە سۇيەنسەك، «وڭتۇستىك قازاقستان وبلىسى بويىنشا مال شارۋاشىلىعىن دامىتۋ ءىس-شارالارىنىڭ 2014-2016 جىلدارعا ارنالعان جوسپارىنىڭ» باعىتتارى بويىنشا اۋدان اكىمى تاراپىنان قالا، اۋىل وكرۋگتەرىندە مال بورداقىلاۋ الاڭدارىن، شاعىن ءسۇت فەرمالارىن اشۋ جانە ءسۇت قابىلداۋ بەكەتتەرىن قۇرۋ تۋرالى ءىس-شارالار جوسپارى بەكىتىلگەن. جىلدىق جوسپار بويىنشا 145 مال بورداقىلاۋ الاڭىن ىسكە قوسۋ كوزدەلگەن بولسا، التى ايدا سونىڭ جارتىسىنان اتامى جۇزەگە اسقان. ناقتىلاپ ايتقاندا بۇگىندە 85ء-ى جۇمىس ىستەپ تۇر.
«قۇلان» باعدارلاماسى بويىنشا ءۇش ءجۇز باس جىلقى الۋ جوسپارى بەكىتىلىپ، تاپسىرما 258 باسقا ورىندالدى. ال «سىباعا» باردارلاماسى بويىنشا اسىل تۇقىمدى ەتتى باعىتتاعى بۇقا الۋ تاپسىرماسى 60 باس بولسا، ونىڭ 44 باسى ساتىپ الىنعان. «التىن اسىق» باعدارلاماسى بويىنشا بيىلدىققا 2100 باس ۋاق مال ساتىپ الۋ كوزدەلگەن بولسا، جارتى جىلدىڭ وزىندە 2670 باسقا جەتكىزىلىپ، تاپسىرما ارتىعىمەن ورىندالعان.
سونىمەن قاتار 5-10 باس ءىرى قارادان تۇراتىن 18 شاعىن جانۇيالىق فەرما قۇرۋ تاپسىرىلعان بولسا، سونىڭ بۇگىندە 18ء-ى ورىندالعان.
مال شارۋاشىلىعىن دامىتۋ بويىنشا التى ايدا تۇيە 2190 باسقا، جىلقى 6227 باسقا، ءىرى قارا مال 30288 باسقا، قوي 196089 باسقا، ەشكى 9025 باسقا جەتكىزىلىپ، 2877،7 توننا ەت، 9457،1 توننا ءسۇت ءوندىرىلدى.
پىكىر قالدىرۋ