وڭتۇستىك قازاقستان وبلىسى، تۇلكىباس اۋدانىنڭ جاڭا اكىمى اۋەلحان تۇرعىمبەكوۆ اۋىلداردى ارالاپ، ونداعى جاي-كۇيمەن تانىسىپ ءجۇر. تۇلكىباس – 100 مىڭنان استام حالقى بار ورتاشا اۋدان. تاۋلى وڭىردە ورنالاسقان. تابيعاتى جاڭبىرلى. مۇندا باۋ-باقشا ونىمدەرى كوپ وندىرىلەدى. اسىرەسە، الماسىمەن تانىمال. مۇندا وسىرىلگەن المانىڭ ءدامى ءتىل ۇيىرەدى. دەگەنمەن، تەك قانا الما ءوندىرىپ قانا قويۋ از. اۋداندا ءتۇرلى باۋ-باقشا داقىلدارىمەن قاتار، ارپا-بيداي دا ءوسىرۋلى ءتيىس. وسى ولقىلىقتى جوندەۋ ءۇشىن تۇلكىباس اۋدانىنداعى شارۋا قوجالىقتارى مەن سەرىكتەستىكتەرگە «اگروبيزنەس-202» باعدارلاماسى مەن اياسىندا مول قاراجات ءبولىندى.وسى قاراجاتتان اۋدانداعى تۇلكىباس پوسەلكەلىك وكرۋگىندە «التىن ءدان» ج ش س ءوز ۇلەسىن الىپ، جۇمىسىن قارقىندى تۇردە دامىتىپ كەلەدى. «التىن ءدان» ج ش س ءوز جەرىنەن جانە وزگە دە شارۋا قوجالىقتارى وسىرگەن ارپا-بيدايدان ءتۇرلى سورتتاعى ۇندار مەن كەبەك شىعارادى. زاۋىت ىرگەسى 1987 جىلى قۇرىلعان. زاۋىت اۋماعى 11،2 گەكتاردى قۇرايدى، 12 سەحى بار. اۋدان باسشىسى زاۋىتتى ارالاپ، جۇمىسشىلارمەن اڭگىمەلەستى. مۇندا ءار ماۋسىممەن 238 ادام جۇمىس اتقارادى. ۇندى وزبەكستان، تاجىكستان، قازاقستان رەسپۋبليكاسى تۇتىنادى. سەرىكتەستىك باسشىسى د.ايكەيەۆ زاۋىتتىڭ تىنىس-تىرشىلىگىن ايتىپ بەردى. 

 تۇلكىباس پوسەلكەلىك وكرۋگىندە 11 743 ادام تۇرادى ەكەن. ولار ءجيى جۇمىس سۇراپ كەلەتىن كورىنەدى. مۇمكىندىك بولسا، ولاردى جۇمىسپەن قامتىپ وتىرعانىن ايتتى. قازىرگى تاڭدا «التىن ءدان» سەرىكتەستىگى قارقىندى تۇردە وندىرگەن ۇن مەن كەبەككە تاپسىرىس ءجيى تۇسەدى. كوپتەگەن شارۋا قوجالىقتارى اتالعان سەرىكتەستىكتەن ۇزدىكسىز كەبەك الدىرتىپ تۇرادى. ولار شارۋالارعا كەبەكتى جەڭىلدەتىلگەن باعامەن بوساتىپ، شارۋالارعا بيزنەسىن وركەندەتۋگە ءوز سەپتىكتەرىن تيگىزىپ جاتىر. ال، ۇندى اۋدان عانا، شىمكەنت، تاراز قالالارى دا ارنايى الدىرتىپ تۇرادى.  

http://rgmedia.kz/