«اگروبيزنەس-202» باعدارلاماسى اۋىل شارۋاشىلىعىمەن اينالىساتىن ديقاندار مەن مالشىلارعا، شارۋا ءتوراعالارىنا تىڭ سەرپىلىس بەرگەنى انىق. وسى باعدارلامادان كومەك الىپ، ءوز شارۋالارىن دوڭگەلەتۋگە بارلارىن سالىپ كەلەدى. ارينە، «اگروبيزنەس-202» باعدارلاماسى اياسىندا ەكىنىڭ ءبىرى كومەك الا المايدى. كومەك الۋ ءۇشىن شارۋا قوجالىعىنىڭ بيزنەس جوسپارى سەكىلدى ءبىراز مالىمەتتەر بولۋ كەرەك. بۇل باعدارلامادان كومەك العان شارۋالار مەملەكەتكە سالىق تولەپ، جۇمىسسىز جۇرگەن ازاماتتاردى جۇمىسپەن قامتىعانى ماڭىزدى.

جاقىندا تۇلكىباس اۋدانىنىڭ اكىمى اۋەلحان تۇرعىمبەكوۆ جۇمىس بابىمەن اۋىلداردى ارالاپ، جاي-كۇيىمەن تانىسىپ شىقتى. اكىم كەلتەماشات اۋىلدىق وكرۋگىنە ارنايى ات باسىن بۇردى. مۇندا اۋدانداعى ەڭ ءىرى شارۋاشىلىقتىڭ ءبىرى – «اگروبيزنەس-202» باعدارلاماسى اياسىندا كومەك العان «دوس بي» ج ش س جانە «بەس جال» شارۋا قوجالىقتارىمەن تانىسقان اۋدان اكىمى مۇنداعى تىرشىلىككە قىزىعۋشىلىقپەن قاراپ، شارۋا جايىنا قانىعا ءتۇستى. سەرىكتەستىكتىڭ بەس مىڭ گەكتار جەرى، تەحنيكاسى تۇگەل، ودان بولەك مال فەرماسى، باۋ-باقشاسى بار. وزدەرىنىڭ ءسۇت ءونىمىن وڭدەيتىن، قىمىز دايىندايتىن سەحى جۇمىس اتقارادى. شارۋاشىلىقتا 128 اۋىل تۇرعىندارى ەڭبەك ەتەدى. جالاقى 40-60 مىڭ تەڭگە شاماسىندا بەرىلەدى. 

 اۋىلدىڭ الەۋمەتتىك جاعدايى وسى شارۋاشىلىقتىڭ موينىندا. تۇرعىنداردىڭ مۇقتاجىن وتەۋدە ولار ايانىپ قالعان ەمەس. از قامتىلعان، اۋرۋ-سىرقاۋ، مۇگەدەك جاندارعا ولاردىڭ كومەگى ءارقاشان دايىن. اۋىلدا وسى شارۋا قوجالىقتارىنىڭ قاتىسۋىنسىز ەشقانداي ءىس-شارالار وتپەيدى. اسىرەسە، ناۋرىز مەرەكەسى قىسقا ماشات وزەنى بويىندا ايتارلىقتاي دارەجەدە وتەدى. مۇنداعى بىرلىك پەن ىنتىماققا كوڭىل تولادى. جاستار تاربيەسىندە ارداگەر اعالاردىڭ الار ورنى ەرەكەشە. قىسقاسى، بۇل وكرۋگ ءوز ءىسىن وزدەرى دوڭگەلەتىپ كەلەدى.

http://rgmedia.kz/