سايرام اۋدانىندا 2016 جىلعا ارنالعان بيۋدجەتىنىڭ كىرىستەرى 19 931،9 ملن.تەڭگەگە (وزىندىك كىرىستەر 1 915،9 ملن.تەڭگە)، شىعىستار جوسپارى 20 926،3 ملن.تەڭگەنى قۇرادى. شىعىستاردىڭ 82،2% ءبىلىم بەرۋ سالاسىنا، 3،9% تۇرعىن ءۇي كوممۋنالدىق شارۋاشىلىققا، 3،4% الەۋمەتتىك قامسىزداندىرۋعا جوسپارلاندى.

2016 جىلدىڭ 5 ايىندا بيۋدجەتتىك تۇسىمدەردىڭ جوسپارى كونتينگەنت بويىنشا 109،5 پايىزعا، اۋدان بيۋدجەتى 118،7 پايىزعا ارتىعىمەن ورىندالعان.

2016 جىلدىڭ باسىنان  ونەركاسىپ ءونىمىنىڭ كولەمى 7،6 ملرد.تەڭگەنى  قۇراسا، ونەركاسىپتىڭ باسىمدى سالاسى وڭدەۋ ونەركاسىبىندە 6،0 ملرد.تەڭگەنىڭ  ءونىمى وندىرىلگەن. ناقتى كولەم يندەكسى 104،9 %.

شاعىن جانە ورتا كاسىپكەرلىك سۋبەكتىلەرى وندىرگەن ءونىم كولەمى 19،1 ملرد. تەڭگەنى قۇراپ، ءوسىم 17،0 % جەتتى. بۇل سالادا 23،0 مىڭ ادام جۇمىسپەن قامتىلعان.

كاسىپكەرلەردى قارجى ينستيتۋتتارى ارقىلى قولداۋ بويىنشا اۋدان كولەمىندەگى ميكروكرەديتتىك ۇيىمدار ارقىلى  1137 ادامعا  514،3 ملن.تەڭگە كولەمىندە نەسيە بەرىلگەن.

اۋىل شارۋاشىلىعى سالاسىندا 2016 جىلدىڭ 1 ماۋسىمىنا 10،9 ملرد.تەڭگەگە جالپى ءونىم ءوندىرىلىپ، ءوسىم 102،9 پايىزدى قۇرادى. 22590 گەكتار جەرگە ەگىستىك ەگىلگەن، 18500 گا سۋارمالى جەرگە اۋىل شارۋاشىلىعى داقىلدارى ورنالاستىرىلدى. جالپى اۋداندا 513 گا جەرگە تامشىلاتىپ سۋعارۋ ءادىسى ەندىرىلگەن، ونىڭ ىشىندە 2016 جىلدىڭ 5 ايىندا 5 گەكتار جەرگە تامشىلاتىپ سۋعارۋ ادىسىمەن باۋ ەگىلدى. جالپى اۋداندا 18،5 گا جەردە 76 بىرلىك جىلىجايلار بار. ونىڭ ىشىندە اعىمداعى جىلدىڭ 4 ايىندا 1 گا جىلىجاي سانىندى. «سىباعا» باعدارلاماسى بويىنشا 6 باس اسىل تۇقىمدى بۇقا، 150 باس انالىق ساتىپ الىندى.

ايتا كەتەيىك، وڭىرىمىزدە جۇزەگە اسىپ جاتقان «اشىق اكىمدىك» جوباسىنا سايكەس جەرگىلىكتى اكىمدىكتەر وزدەرىنىڭ اتقارعان جۇمىستارىن حالىققا جەتكىزىپ،  كەز-كەلگەن اقپاراتتىڭ قولجەتىمدىلىگىن، اشىقتىعىن قامتاماسىز ەتۋدە. 

http://rgmedia.kz/