توككەن تەر مەن ەڭبەكتىڭ جەمىستى، جەڭىستى تويى – «التىن كۇز» مەرەكەسى ورداباسى وڭىرىندە سالتاناتتى تۇردە اتاپ ءوتىلدى. بۇل كۇنى شارۋالار ونىمدەرىن جارمەڭكەگە شىعارىپ، سونداي-اق، اۋىلشارۋاشىلىق تەحنيكاسىنىڭ، اسىل تۇقىمدى مال كورمەسىن ۇيىمداستىردى. بۇل تۋرالى اۋدان اكىمدىگىنىڭ رەسمي سايتى اشىق اقپاراتتى قامتاماسىز ەتۋ ءۇشىن حالىققا جاريالاپ وتىر. 

جەرى شۇرايلى، ازاماتتارى ەڭبەكسۇيگىش، ىنتىماعى مەن بىرلىگى جاراسقان ورداباسى ءوڭىرى تاۋەلسىزدىگىمىزدىڭ 25 جىلىندا تۇراقتى دامۋ جولىنا ءتۇسىپ، ەلىمىزدىڭ ىلگەرى باسۋىنا وزىندىك ۇلەسىن قوسىپ كەلەدى.  1995 جىلى وڭتۇستىك قازاقستان وبلىسى بويىنشا بارلىق اۋىلشارۋاشىلىق قۇرىلىمىنىڭ سانى 8275ء-تى قۇراسا، ونىڭ 158ء-ى ياعني 1،9 پايىزى عانا وسى اۋماقتان بولاتىن. 21 جىلدا بۇل كورسەتكىش وبلىستا 72 417-گە جەتسە، بۇگىندە ورداباسىلىقتاردىڭ ۇلەسى 5505-كە تۇراقتادى. 

بۇل جالپى وبلىستاعى اۋىلشارۋاشىلىق قۇرىلىمنىڭ 7،6 پايىزىن قۇرايدى. جالپى، ورداباسى اۋدانى بيىلعى جىلدى دا اۋىل شارۋاشىلىق ونىمدەرى بويىنشا جاقسى كورسەتكىشتەرمەن اياقتادى دەۋگە نەگىز بار. اتاپ ايتساق: «سىباعا» باعدارلاماسىن جۇزەگە اسىرۋ بويىنشا وبلىس كورسەتكىشى 20 173 ءىرى قارا مالدى قۇراسا، ونىڭ 5،2 پايىزدىق ۇلەسى /1066 ءىرى قارا/ ورداباسىعا تيەسىلى؛ «التىن اسىق» باعدارلاماسىمەن 2903 ۋاق مال الىندى. بۇل وبلىستىق كورسەتكىشتىڭ 9،2 پايىزى. «قۇلان» باعدارلاماسىمەن الىنعان 741 اسىل تۇقىمدى جىلقىنىڭ وبلىستاعى ۇلەسى 16،5 پايىزدى قۇرادى. اعىمداعى جىلى اۋىل شارۋاشىلىعى داقىلدارىنىڭ ەگىستىك القابى 357 گەكتارعا ارتىپ، 54 357 گەكتاردى قۇرادى. وتكەن جىلمەن سالىستىرعاندا ماقتانىڭ ەگىستىگى – 62 پايىزعا، بيدايدىڭ ەگىستىگى – 32 پايىزعا، كارتوپتىڭ – 3،7 پايىزعا ۇلعايدى.   اۋداندا بيىل 30 259 توننا بيداي، 15 028 توننا ماقتا، 68 650 توننا كوكونىس، 43 500 توننا باقشا ونىمدەرى جينالدى. اۋىلداردىڭ ەرەكشەلىگى ەسكەرىلىپ، ونىمدىلىكتى ارتتىرۋ بويىنشا اتقارىلعان جۇمىستىڭ ناتيجەسىندە 5 اۋىلشارۋاشىلىق وندىرىستىك كووپەراتيۆ قۇرىلدى. ەندىگى كەزەكتە، اۋىلدىق وكرۋگتەردە متس اشۋدى جوسپارلاۋدامىز.  ءبورجار اۋىل وكرۋگىندە ينتەنسيۆتى باۋ شارۋاشىلىعى قولعا الىنىپ، «الەكساندروۆسكيي ساد» جاۋاپكەرشىلىگى شەكتەۋلى سەرىكتەستىگى 17 گەكتار جەرگە جاڭا تەحنولوگيامەن تامشىلاتىپ سۋارۋ ءادىسى ارقىلى كۇن وتكىزبەيتىن سەتكا ارقىلى باۋ ەگۋمەن اينالىسۋدا. كاسىپورىن 2016 جىلدىڭ 30 ناۋرىزىنان ىسكە قوسىلىپ، بۇگىنگى تاڭدا 30 ادامدى جۇمىسپەن قامتىدى. اعىمداعى جىلى اۋداندا 500 گەكتار جاڭادان جەمىس باۋلارى ەگىلدى. ونىڭ ىشىندە، قارقىندى باۋ جوباسى 97 گەكتارعا ىسكە اسىرىلدى. تورتكول، بوگەن، جەڭىس جانە قاراقۇم اۋىل وكرۋگتەرىندە ماقتا شارۋاشىلىعىن دامىتۋدى، بۇل وڭىرلەردە ماقتا ەگىسىن 9000 گەكتارعا جەتكىزۋ جوسپارلانىپ وتىر.  وسى ورايدا، سۋارمالى جەرلەردىڭ جاعدايىن جاقسارتۋ جانە جاڭادان سۋارمالى جەرلەردى اينالىمعا قوسۋ ءۇشىن تاعى 187 تىك درەناجدى ىسكە قوسۋعا جۇمىس جاسالماق.  بيىل اۋدان بويىنشا جىلىجايلاردىڭ كولەمى 7،18 گەكتارعا ۇلعايعانى دا – ۇلكەن جەتىستىك.

http://rgmedia.kz/