شىمكەنتتەگى «كورمە» ورتالىعىندا «AgriTek-2016» V حالىقارالىق مامانداندىرىلعان اۋىل شارۋاشىلىعى كورمەسى ءوتتى. وڭتۇستىك قازاقستان وبلىسى نەگىزىنەن اگرارلى ايماق بولعاندىقتان مۇنداي كورمەلەردىڭ وتكىزىلۋى وتە ماڭىزدى. شاراعا وبلىس اكىمى جانسەيىت تۇيمەبايەۆ ارنايى قاتىسىپ، لەنتاسىن قيدى. ءوڭىر باسشىسى كورمەگە اكەلىنگەن تۇقىم باقتارىنىڭ جاڭا سۇرىپتارىمەن تانىسىپ، وبلىس جاعدايىندا ەگۋگە بولاتىندىعىنا تاڭداۋ جاسادى. بىرلەسىپ جۇمىس جاساۋعا شاقىردى.

كورمەگە شەتەلدىك كومپانيا­­لار دا ءوز ونىمدەرىن ۇسىندى. ولار اۋىل شا­رۋاشىلىعى تەحنيكالارى مەن جابدىقتارى، قوسىمشا بولشەكتەر، سۋارۋ جانە تىڭايتقىش تەحنولوگيالارى، تۇقىم سۇرىپتارى، ەگىستىكتى، ماقتالىقتى ءتۇرلى زيانكەس­تەردەن قورعايتىن دارى-دارمەك، تى­ڭايت­قىش، ۆەتەرينارلىق تەحنولوگيا جانە جىلىجاي وندىرىسىنە قاجەتتى جابدىقتاردى تانىس­تىردى. وبلىس اكىمى كورمەنى ارا­لاۋ كەزىندە وتاندىق تاۋار ءوندى­رۋ­شىلەردىڭ ءوز ءونىمىن سىرتقى نا­رىق­قا شىعارۋ تەتىكتەرىن ويلاس­تىرىپ، باسەكەگە قابىلەتتى بولۋ ماسەلەلەرى جايىندا ويىن ءبولىستى.

وسىندا شەتەلدىك تەحنولوگيالارمەن قاتار ءوز عالىمدارىمىزدىڭ دا عىلىمي ىزدەنىستەرىنىڭ كۋاسى بول­دىق. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ وقىتۋشىسى، دوسەنت نۇرلىباي مانابايەۆ باس­تاعان عالىمدار تراك­تور­عا ءسۇي­رەتپە قۇرىلعىنى تانىس­تىر­دى. شا­رۋالار ءۇشىن قولايلى قون­دىر­عىنىڭ جۇمىسىمەن تانىسقان وبلىس اكىمى جانسەيىت تۇيمەبايەۆ مۇنى يندۋس­تريالىق ايماقتا جاساۋعا مۇمكىندىك بار ەكەندىگىن ايتتى. بۇگىندە تەك شىمكەنتتىڭ ءوزىن­دە ءۇش ءىرى يندۋستريالىق ايماق تا­بىستى جۇمىس جاساپ جاتىر.

جالپى، «AgriTek-2016» كورمەسى حالىقارالىق نارىقتاعى جاڭا تەحنولوگيالاردى ۇسىنۋىمەن اۋىل شارۋاشىلىعى ەڭبەككەرلەرىنە جاقسى پايداسىن تيگىزىپ ءجۇر.

باقتيار تايجان،

«ەگەمەن قازاقستان»