ءار ماقالاسىن وقىعان سايىن شابان نامىسىمىزدى قامشىلاپ وتىراتىن «قامشى» سايتىنانا قۇل-كەرىم ەلەمەستىڭ «مەملەكەت ءوز ۇرپاعىن اقىلى وقىتىپ قاشانعى قورلايدى؟ ! دەگەن ماقالاسىن وقىپ ۇلكەن ويعا قالدىم.

 رسىندا ساداقانىڭ ەڭ ۇلكەنى ءبىلىم ىزدەگەنگە كومەكتەسكەن دەيدى.  ال ءبىلىم ىزدەۋ، ءدىن ءۇشىن مايدانعا شىققانمەن پارا – پار ەكەن.  الايدا بىزدەگى جۇيە وسى ساۋاپتارعا  سالعىرت قارايتىن سياقتى.  ماسەلەن اقىلى وقۋ دەگەن بولاشاق مەملەكەت تۇلعاسىن تار جول تايعاققا سالۋ دەگەن سياقتى.  ال گرانت بەرۋ وتە دۇرىس.  دەگەنمەن وقۋ ورنىندارىندا ستۋدەنتتەردەن اقشا جيناۋ دەگەن ءالى بار، ونىڭ ىشىندە گرانت يەگەرلەرىنە بۇل قامشى باتىڭقى تيەدى.  ءبىراق بۇل ءسوزىمدى مەملەكەتتىك قۇىزمەتكەرلەر ەش دالەلسىز دەپ جوققا شىعارارى ءسوزcءىز، الايدا  قارا حالىق بولعان سوڭ تالاي مارتە كۋاگەر بولدىم.

 وزگە دامىعان ەلدەردەگى ستۋدەنتتەرگە جاسالاتىن قامقورلىقتى ايتپاي-اق قويايىق.  ءبىراق تمد ەلدەرىنىڭ ىلگەرىسىنەن ۇلگى الۋعا بولادى عوي.  ماسەلەن وقۋ بىتىرگەن ماماندى جۇمىسقا تارتۋ جونىنە كەلەتىن بولساق.  اتا-انا بالاسىن 4-5 جىل بويى سابىلىپ ءجۇرىپ وقىتادى دا، سوڭعى جىلى قاي جەرگە جۇمىسقا تۇرعىزامىن دەپ باسى قاتادى. ياعني، پاراسىن بەرە الاتىن جەر ىزدەيدى.

 سونىمەن قاتار قاندايدا ءبىر مەكەمە بولماسىن ماماننىڭ قانداي دارەجەدە وقىعانىنا نازار اۋدارمايدى.  «ۇزدىك»، «قىزىل» ديپولم دەگەندەر تەك وقۋ بىتىرگەن كەزدەگى بەدەلدەن اسپاي قالدى.

 تاعى ءبىر ماسەلە اتا-انالار مەن تۇلەكتەر مەكتەپ بىتىرگەن بويدا باسشى بولۋدى عانا ويلاپ ۇمتىلادى. بولماسا كاسىپتىك سالانى مەڭگەرىپ، ءبىر سالانىڭ مامانى بولدى ويلايتىندار از.  ماسەلەن قانداي بالا بولسا دا بولاشاقتا پروكۋرور، سوت، مەكەمە باسشىسى بولۋدى ارماندايدى جانە سوعان تالپىنادى. سويتەدى دە ونداي قىزمەتتە قازمەتتىك ساتىلۋ پايدا بولىپ، اقشاسى كوپ ساۋاتسىزدار تاققا وتىرادى. ال مىقتى دانەكەرلەۋشى، سۋشى، ەگىنشى، مال دارىگەرى بولۋدى ارماندايتىندار از.  ءتىپتى جوق دەۋگە دە بولادى. ماسەلەن سىر وڭىرىندەگى ەگىنگە 250-گە جۋىق سۋشى كەرەك بولسا، ول سالادا ءقازىر 10-15 عانا مامان ءجۇر.  مۇنىڭ سەبەبى ۇكىمەت قارا جۇمىسشىلارعا نازار اۋدارماي وتىرعاندىعى.

 بۇدان كەيىنگى ماسەلە اقىسىز سىرت ەلگە بارىپ «بولاشاق» باعدارلاماسىمەن وقىپ كەلۋشىلەر. ولار تالاپ بويىنشا  وقۋىن بىتىرگەن سوڭ ەلگە كەلىپ 5 جىل جۇمىس جاساۋ كەرەك. بۇنى ورىنداعىسى كەلمەگەندەر قازىردە وقىپ بولعان سوڭ سول جاقتا قالىپ قويادى.  ال بىرەۋلەرى ەلگە كەلىپ 5 جىل قىزمەت ەتەيىن، سوسىن مىندەتتى تۇردە قازاقستاننان كەتەمىن دەپ جۇرگەنىن ەستىدىك.  ءتىپتى گرانتپەن وقىعان، ەتى ءتىرى، ءبىلىمدى جاستاردى ەرتىپ كەتكىسى كەلەتىندەرى دە بار. وندايلاردىڭ كەيبىرى سىرتتىڭ جايىن بىلگەن سوڭ وزدەرى دە كەتكىسى كەلەدى.

 اينالىپ كەلگەندە كوبىنە سول اقىلى وقىعاندار ەلگە قىزمەت ەتىپ وتىر.  ءبىراق ولاردىڭ وزدەرى دە اۋىلعا بارىپ جۇمىس جاساۋعا پەيىلدى ەمەس. ال اۋىلداعى قاي-قايسى ءبىر مامانعا بارىن الداعى جوسپارىن سۇراساڭ، قالاعا بارىپ باسشى بولسام دەيدى.  مىنە، بىزدەگى ماماندىقتىڭ الداعى ارمانى سول.  جاستار تەك باسشى بولۋدى جانە قالادا عانا جۇمىس جاساۋدى ارماندايدى. سوندا كىم كاسىپتىك ءبىلىم الىپ، اۋىلعا بارىپ جۇمىس جاسايدى. مىنە، ماسەلە وسىندا.

ساكەن الداشبايەۆ

قىزىلوردا قالاسى