ولەڭدەرى ار-نامىس ەرەجەسى، داستاندارى - تاريحتىڭ اعىنى ىسپەتتى، «ءتورت انانى» قورعاۋ جولىندا جان اياماي جۇرگەن قازاقتىڭ قايسار ۇلى، ءبىزدىڭ سۇيىكتى اعامىز مۇحتار شاحانوۆ 70 جاسقا تولدى. وسىناۋ الاشتىڭ اسىل ۇلىن ارداقتاۋ ەلگە سىن، اعايىن! قابانباي، بوگەنباي، ەر جانىبەك اتالارىمىزدىڭ جولىمەن ۇلتىن "قازاقستاندىق ۇلت" دەگەن اپاتتان قۇتقارىپ قالعانىنىڭ ءوزى نەگە تۇرادى. اللا مۇحتارىمىزعا ەندى 70 جاس بەرسەدە بىزگە ازدىق ەتەر، امان جۇرە بەرسىن ازاماتىمىز! ءوز باسىم نۇرسۇلتان ءابىشۇلىن بىلمەيتىن كەزىمدە مۇحتاردىڭ ولەڭدەرىن وقىپ ءوستىم. قۇدايدىڭ قۇدىرەتىنە مىڭ شۇكىر! سوناۋ باركولدىڭ ءبىر تاۋىنىڭ قۋىسىندا جاتىپ جىرىن جاتتاعان اداممەن الماتىدا كەزدەسىپ، قۋانىشىمنان نە ىستەرىمدى بىلمەي ەلەگىزگەنىم ءالى ەسىمدە. قولىنا سۋ قۇيىپ، اقىلىن تىڭداۋعادا جارادىق. جۇرەگى اۋىرىپ، جانى قينالعان كەزدەرى از بولعان جوق قوي، سونداي شاق ەندى باسىنا كەلمەيدى ەمەس، ءالى تالاي كەلتىرەر زۇلىمدىققا قۇنىققان قوماعايلار. سول كەزدە بىزدەردەي رۋحتاس ىنىلەرى بار ەكەنىن ەسىنە الىپ، مارقايىپ جۇرەتىن بولسىن!
ولەڭدەرى – پاراساتتىڭ پايىمى، داستاندارى – تاريحتىڭ قايىعى، ءاربىر ءسوزى – ار-نامىستىڭ ۇرانى ءاربىر ءۇنى – الاشىمنىڭ ايبىنى!
«ءتورت اناسىن» قورعايمىن دەپ الىسقان، اتا-بابا رۋحىمەن قاۋىشقان، تج-لاردى تابانمەن تاپتاتىپ، ۇلىلاردىڭ دۇبىرىمەن جارىسقان! بەيۋازدارعا اراشا بوپ كۇرەسكەن، زۇلىمدارعا نايزا بولىپ تىرەسكەن. شىندىقپەنەن ادىلدىكتى تۋ ەتكەن وسىلايشا سۇيگەن ەلىن جۇرەكپەن! جاۋىزدىقتى كەۋدەسىمەن توساتىن، رۋح جىرى قالامىمەن بوساتىن، بايتەرەگى قازاعىمىنىڭ باتىرى ءبىزدىڭ ۇلى مۇحتارىمىز جاساسىن!!! جاعىمپازدىق، پەندلىككە بارماعان، ءومىرىن تەك ەل-جۇرتىنا ارناعان، سىزدەي ۇلمەن قۋانادى مىناۋ ەل، سىزدەي ەرمەن قۇلپىرادى كەڭ دالام! سىزدەرگە ەرۋ – ناعىز جىگىت، جاسقا سىن، ءسىز تۇرعاندا كىمدەر ءبىزدى جاسقاسىن! امان بولىپ ەلى-جۇرتىڭ، وتباسىڭ اللا قولداپ، جاماندىقتان ساقتاسىن. 70 دەگەن از عوي سىزدەي ۇلانعا، ەل-جۇرتىنا كەرەك بولىپ تۇرعاندا، جەمىسى مول، 100-دەن اسار جاس بەرىپ قيا تۇرسىن ءسىزدى بىزگە ءبىر اللا!!!استانا
سۋرەت baq.kz-دان الىندى
پىكىر قالدىرۋ