9 جەلتوقساندا فرانسيانىڭ مەملەكەتتىك كەڭەسى وپپوزيسيالىق وليگارح مۇحتار ءابليازوۆتى  ەكستراديسيالاۋ ۇكىمىنىڭ كۇشىن جويدى.

ال مۇحتار ءابليازوۆتىڭ تۋىستارى مەن تانىستارى بۇرىڭعى قازاقستاندىق وليگارحتىڭ تۇتقىننان بوساتىلعانىن ايتتى دەپ حابارلايدى tengrinews.kz.

«Facebook» الەۋمەتتىك جەلىسىندە ءابليازوۆتىڭ اپكەسى قارلىعاش ءابليازوۆا مەن ۆيكتور حراپۋنوۆتىڭ ۇلى ءىلياس ءابليازوۆ ونىڭ تولىق بوساپ شىققانىن جازعان. اپكەسى ءوز پاراقشاسىندا مۇحتار ءابليازوۆتىڭ وتباسىمەن، تۋىستارىمەن داستارحان باسىندا وتىرعان سۋرەتىن جاريالاپ، قولداۋ بىلدىرگەن بارشا ادامعا العىس ايتقان.  

2015 جىلدىڭ قىركۇيەك ايىندا فرانسيانىڭ پرەمەر-مينيسترى مانۋەل ۆالسوم بۇرىڭعى قازاقستاندىق بانكيردى رەسەيگە بەرۋ تۋرالى ۇكىمگە قول قويعان. الايدا، ءابليازوۆتىڭ قورعاۋشىلارى اپپەلياسيالىق شاعىم ءتۇسىرىپ، فرانسيانىڭ مەملەكەتتىك كەڭەسى مۇحتار ءابليازوۆتى رەسەيگە ەكستراديسيالاۋ تۋرالى ۇكىمنىڭ كۇشىن جويۋ تۋرالى شەشىم قابىلداعان.

مەملەكەتتىك ءماجىلىستىڭ بايانداماسىندا «م.ءابليازوۆتىڭ ەكستراديسيالانۋىن سۇراتۋىنىڭ استارىندا ساياسي ماقسات جاتىر دەپ ويلاۋعا تولىق نەگىز بار. ونىڭ جاعدايى كۇرت ناشارلاۋى مۇمكىن» دەپ ايتىلعان بولاتىن.

AFP اگەنتتىگى مالىمدەگەندەي، مەملەكەتتىك كەڭەس بۇعان دەيىن ەكستراديسيالاۋ تۋرالى شەشىمدى تەك ءبىر عانا مارتە جويعان. ول يسپاندىق وپپوزيسيونەر ەدى. ونى فرانكو ەلىنىڭ ۇكىمەتى سۇراتقان بولاتىن.

بتا بانكتىڭ بۇرىڭعى باسشىسى مۇحتار ءابليازوۆ 2013 جىلدىڭ شىلدە ايىندا  فرانسيادا ۇستالعان. سودان بەرى فلۋري-مەروجي تۇرمەسىندە جاتقان. وعان بىرنەشە ايىپ تاعىلدى. ونىڭ ىشىندە الاياقتىق، جالعان قۇجات جاساۋ، ءوز قىمەتىن اسىرا پايدالانۋ. ونىڭ شىعىن سومماسى بىرنەشە ميلليارد دوللارعا باعالانعان.

ءابليازوۆ – قازاقستان، رەسەي  جانە ۋكراينادا قىلمىستىق تەكسەرۋدەگى ادام. الايدا، ونىڭ ەكستراديسيالانۋىنا تەك رەسەي مەن ۋكراينا عانا تالپىنىپ ءجۇر. سەبەبى، استانا پاريجبەن ەكستراديسيالاۋ جونىندە كەلىسىمگە وتىرماعان.

ءابليازوۆقا قارسى قىلمىستىق ءىس 2009 جىلى قوزعالدى. وسىدان كەيىن قازاقستاننان ۇلىبريتانياعا قاشىپ كەتكەن. اتالمىش ەلدەن دە كەتۋگە ءماجبۇر بولعان.