مۇنايدى ۇرلاۋمەن اينالىسقان ەكى ازامات تۇتقىندالدى دەپ حابارلايدى tengrinews.kz

«2016 جىلدىڭ 9 جەلتوقسانىندا اقتوبەنىڭ №2 سوتىنا باۋىرجان باتىروۆ پەن نۇرلان كازكەنوۆتى قاماۋعا الۋ تۋرالى ءوتىنىش ءتۇستى. ولار اقتوبە قالاسىندا مۇناي مەن مۇناي ونىمدەرىن  ۇرلاۋ جانە زاڭسىز اينالىمعا سالۋمەن اينالىسقان قىلمىستىق توپتى قۇرىقتاۋ ماقساتىندا وتكىزىلگەن ارنايى وپەراسيا كەزىندە  ۇستالدى. باتىروۆ پەن قازكەنوۆ ق ر قىلمىستىق كودەكسىنىڭ 197 بابى 4 ءبولىمى 1،2 پۋنكتەرى بويىنشا، سونىمەن قاتار «مۇناي مەن مۇناي ونىمدەرىن الۋ، تاسىمالداۋ، ىسكە اسىرۋ، ساقتاۋ جانە مۇنايدىڭ وندىرىلگەن جەرىن زاڭدى تۇردە كورسەتەتىن قۇجاتسىز وڭدەۋ»، «قىلمىستىق توپتى قۇرىپ ونى باسقارۋ، قىلمىستى ىستەۋمەن پارا-پار» دەگەن ايىپتار تاعىلىپ  وتىر. 2016 جىلدىڭ 9 جەلتوقسانىندا شىققان سوتتىڭ ۇكىمىمەن ءوتىنىش قاناعاتتاندىرىلدى. باتىروۆ پەن كازكەنوۆتى 2 ايعا قاماۋ تۋرالى شەشىم قابىلداندى» دەپ حابارلادى اقتوبە وبلىستىق سوتىنىڭ باسپا ءسوز ءماسليحاتى.

"دياپازون" مالىمەتىنشە، كۇدىكتىلەر مۇنايدى ونى تاسۋ قۇرالدارىمەن تاسىمالداعان. ولاردىڭ ءبىرى جۇمىسسىز، ەكىنشىسى تاكسي جۇرگىزۋشىسى. كۇدىكتىلەر، وتباسى، بالالارى مەن تۇرعىلىقتى جەرى بولعاندىقتان قاماۋعا  الماۋلارىن سۇراعان. نۇرلان كازكەنوۆتىڭ 5 بالاسى بولسا، باۋىرجان باتىروۆتىڭ 3 بالاسى بار. سوڭعىسىنىڭ ەستۋ قابىلەتى تومەن.

7 جەلتوقساندا ۇقك مەن جەمقورلىققا قارسى ءىس-قيمىل ۇلتتىق بيۋروسى جانە ءىىم بىرلەسىپ ارنايى وپەراسيا وتكىزگەن. مۇناي مەن مۇناي ونىمدەرىن  ۇرلاۋ جانە ونى زاڭسىز قايتا وندىرۋمەن اينالىساتىن قىلمىستىق توپ قۇرىقتالعان. كەيىنىرەك الماتى قالاسىندا دا قىلمىستىق توپتىڭ سىبايلاستارىن ىزدەۋ ءۇشىن ارنايى وپەراسيا جاسالعانى حابارلاندى. «ءتورت اعايىندى» توبىنىڭ كوشباسشىسى ەركىن ءىزباساروۆ پەن ونىڭ وققاعارى جانە 4 جۇرگىزۋشىسى تۇتقىندالدى. ءىس ماتەريالىنا سايكەس، ول «قارا التىندى» ۇرلاۋدىڭ كۇردەلى كەستەسىن جاساپ شىعارعان. سول ارقىلى قالتاسىن قالىڭداتتى. بۇعان راديكالدى ءسالافيزمدى ۇستانۋشىلار كومەكتەسكەن.

8 جەلتوقساندا ەركىن ءىزباساروۆ اقتوبە قالاسىنا تەرگەۋگە جەتكىزىلگەن. مۇگەدەكتەر ارباسىنا تانىلعان  50 جاسار ەر ادام، كومەكشىلەرىمەن ارنايى رەيسپەن اقتوبەگە ۇشىپ كەلگەن. بارلىعىن بىردەن تەرگەۋگە الىپ كەتتى.