قىتايدىڭ بەلدى ەكونوميستەرى جاقىن ۋاقىتتا ءتىپتى، جىلدىڭ اياعىنا دەيىن يۋان 10 پايىزعا قۇلدىرايدى دەپ بولجاپ وتىر دەپ حابارلايدى tengrinews.kz

بۇل ءيۋاننىڭ  1994 جىلدان بەرگى رەكوردتى قۇلدىراۋى بولۋى ىقتيمال. ءيۋاننىڭ ديەۆالۆاسياسى قازاقستانعا قالاي اسەر ەتۋى مۇمكىن ەكەنىن قازاقستاندىق ساراپشىلار ايتىپ بەردى.

عالىم حۇساينوۆ، BRB INVEST باس ديرەكتورى: «قىتايدا سايكەسسىزدىكتەر كوبەيىپ كەتتى. ولاردى قالاي دا شەشۋ كەرەك. ويتكەنى ەكسپورت تومەندەپ بارادى. ال جۇمىس كۇشى باسەكەلەستىككە توتەپ بەرە المايدى. ماسەلەن، قازاقستانداعى جۇمىس كۇشى قىتايمەن سالىستىرعاندا الدە قايدا ارزان. جالعىز عانا جول - ۆاليۋتانى قۇنسىزداندىرۋ. ول قازاقستانعا تىكەلەي اسەر ەتپەيدى. سەبەبى ءبىز قىتايمەن باسەكەلەس ەمەسپىز. كەرىسىنشە قىتايدان يمپورتتالاتىن تاۋارلار ارزاندايدى».

اننا بودروۆا، «الپاري» ساراپشىسى: «ءيۋاننىڭ ديەۆالۆاسياسى قازاقستاننىڭ يمپورت باعاسىنا 6-7 ايدان كەيىن اسەر ەتەدى. جۇڭگو تاۋارى بىردەن ارزاندايدى دەپ ويلاۋدىڭ قاجەتى جوق. جۇڭگو ونىمدەرىنىڭ باسەكەگە قابىلەتتىلىگى جوعارى ەكەنىن ۇمىتپاعان ءجون».  

بۇدان بۇرىن يۋان اقش دوللارىنا قاراعاندا 4% ارزانداعانى حابارلانعان.