Kaspi، Halyk Bank، قازكوم، استانا بانكى جانە جيناق بانكى قازاقستاندىقتارعا مالىمدەمە جاسادى، دەپ حابارلايدى tengrinews.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ەكىنشى دارەجەلى بانك ورتالىقتارىنىڭ مالىمدەۋىنشە، حالىقارالىق كيبەرموشەننيكتەر قازاقستاندىقتاردىڭ بانك ەسەبىنەن اقشا جىمقىرۋدىڭ جاڭاشا ءادىسىن ويلاپ تاۋىپتى. الايدا قارجى ينستيتۋتتارى بانكىلەردىڭ ونلاين-سەرۆيستەرى بۇزىپ كىرۋدەن جاقسى قورعالعان.

بانك ورتالىقتارى سول سەبەپتى دە قىلمىسكەرلەرگە كەدەرگى جاساپ ۇلگەردى. كەيبىر بانكىلەر تۇتىنۋشىلارىن ساقتاندىرۋ ماقساتىندا ينتەرنەت ارقىلى اقشا اۋدارۋ ىسىندە قارجىعا بەلگىلى مولشەردە شەك قويعان. الايدا قاسكويلەر العان بەتتەرىنەن قايتار ەمەس، ولار كەز كەلگەن جولمەن تۇتىنۋشىلاردىڭ لوگينى مەن قۇپيا ءسوزىن ءبىلىپ الۋعا تالپىنۋدا.

قازاقستاندىق بانك قىزمەتكەرلەرى الاياقتار ءوز ويلارىن قالاي جۇزەگە اسىراتىنى جايلى ايتىپ بەردى. بەلگىلى بولعانداي، تۇتىنۋشى وزىنە كەلگەن سىلتەمەنى اشىپ، ىشىندەگى ۇسىنىستاردى كورەدى دە، بەلگىسىز پاپكالاردى اشادى، كەيىننەن ۆيرۋستان قورعالماعان USB-فلەشكالاردى پايدالانادى. مۇنداي جاعدايدا ونىڭ كومپيۋتەرىنە نەمەسە تەلەفونىنا ۆيرۋس ەنىپ كەتۋى مۇمكىن. سول ۆيرۋستاردىڭ كومەگىمەن تۇتىنۋشىلاردىڭ لوگينى مەن قۇپيا ءسوزى الاياقتاردىڭ قولفنا تيەدى.

ودان بولەك الاياق قوڭىراۋ شالىپ، ءوزىن بانك قىزمەتكەرى رەتىندە تانىستىرۋى مۇمكىن. سونان سوڭ تۇتىنۋشىعا ءوزىنىڭ جەكە مالىمەتتەرىن ايتىپ بەرۋىن سۇرايدى دا، سول ارقىلى ونىڭ قارجىلىق اقپاراتتارى مەن تۇتىنۋشىنىڭ جەكە شوتىنا تىكەلەي جول تابادى.

«مۇنداي جاعدايدا بانكىلەردىڭ تەحنيكالىق قورعانىسى تۇتىنۋشىلاردىڭ جەكە شوتىن قورعاي الماي قالادى. سول سەبەپتى دە تۇتىنۋشىلارىمىزعا وزدەرىنىڭ جەكە مالىمەتتەرىن ەشكىمگە دە ءتىس جارىپ ايتپاۋلارىن وتىنەمىز جانە دە بۇل ماسەلەگە بارىنشا جاۋاپتىلىقپەن قاراۋعا شاقىرامىز. سولاي جاساعان كەزدە عانا ءبىز الاياقتاردىڭ ىسىنە بوگەت كەلتىرە الامىز»، - دەپ مالىمدەيدى بانك قىزمەتكەرلەرى.

اۋدارعان: نازەركە لابيحان