«حالىق بانك» 2016 جىلعى قارجى ناتيجەلەرى تۋرالى ەسەبىن جاريالادى دەپ حابارلايدى Qamshy.kz ءتىلشىسى.

بانك باسشىلىعى ارناۋلى باسپا ءسوز كونفەرەنسياسىن وتكىزىپ، وتكەن جىلعا جاساعان ەسەبىندە جىلدىڭ قيىن باستالىپ، قيىن اياقتالعانىن اتاپ ءوتتى.

«حالىق بانك» اق-نىڭ 2016 جىلعى تازا تابىسى تۋرالى ەسەبىنەن كەيىن بانك باسشىلارىنا جۋرناليستەر نەگىزىنەن حالىق بانك پەن قازكوممەرسبانك اراسىنداعى «بىرىگۋ» تۋرالى ساۋالدارىن قويدى.

بانكتىڭ باسقارما ءتورايىمى ءۇمىت شاياحمەتوۆا حالىق بانكتىڭ قازكوممەرسبانكتى كاپيتالداندىرۋعا دايىن ەكەنىن جەتكىزدى.

ءۇمىت بولاتحان قىزىنىڭ سوزىنشە قازىرگى ۋاقىتتا Qazkomء-دى ينۆەستيسيالاۋ بويىنشا Due Diligence  پروسەسى ءجۇرىپ جاتىر. بۇعان دەيىنگى ەكى بانك اراسىنداعى كەلىسىم تۋرالى العاشقى مەموراندۋمدار كەلىسىم بولاتىنىن ناقتىلامايدى.

«بانكتەر اراسىنداعى كەلىسىمدەر» تۋرالى مەن بارلىق اقپاراتتى بولىسە المايمىن، قازكوممەرسبانكتىڭ «ەمدەۋ» جانە وڭالتۋدى قاجەت ەتەتىن تۇستارى بار. ءبىزدىڭ ارينە بانكتەر اراسىنداعى ماملەگە قىزىعۋشىلىعىمىز بار. ءبىراق بتا زاەمداردى «Qazkom» بالانسىنان شوعىرلاندىرىلاتىن بولسا. ءقازىر سالۋعا ءتيىستى كاپيتال كولەمى ەسەپتەلىپ جاتىر» دەدى بانك باسشىسى. بانك اتالعان پروسەستىڭ الداعى 2-3 ايدا اياقتالادى دەپ كۇتەدى. سوعان بايلانىستى بانكتىڭ سىرتقى اۋديتى مەن زاڭگەرلەرى جۇمىلدىرىلعان.

حالىق بانك باسشىلىعىنىڭ ايتۋىنشا ەكى بانكتىڭ تۇتاستاي بىرلەسۋى مۇمكىن ەمەس. قازىرگى ۋاقىتتاعى ۇلتتىق بانك جانە ۇكىمەتپەن جاسالىپ جاتقان حالىق بانك كەلىسىمدەرىنەن كەيىن قازكوممەرسبانك تۋرالى ناقتى شەشىم قابىلداناتىن بولادى.  بۇل كۇردەلى  ءارى كوپ دەڭگەيلى مامىلە بولماق.

ءۇمىت شاياحمەتوۆانىڭ ايتۋىنشا قازكوممەرسبانك كاپيتالىنا ۇكىمەت ەشقانداي دا ىقپال جاسامايتىن بولادى.

ەستەرىڭىزگە سالاتىن بولساق، 20 قاڭتاردا بانكتەردىڭ ەكى جاقتى كەلىسىمدەر جۇرگىزىپ جاتقانى تۋرالى اقپارات تارالعان بولاتىن. «حالىق بانك» الەۋەتتى مامىلە جاساۋ تۋرالى ايتۋدىڭ ەرتە ەكەنىن بىردەن مالىمدەگەن ەدى. بانكتەر اكسيونەرلەرىنىڭ العاشقى كەلىسسوزدەرى ءبىرىنشى اقپاندا ءوتتى. ال، 2 ناۋرىزدا ۇكىمەت پەن ۇلتتىق بانك جانە حالىق بانك پەن قازكوممەرسبانك اكسيونەرلەرى، سامۇرىق قازىنا ۇلتتىق قورى، سونداي-اق پروبلەمالى كرەديتتەر قورلارى اراسىندا تۇسىنىستىك مەموراندۋمى جاسالعان بولاتىن.

شاياحمەتوۆانىڭ بولجامىنشا، حالىق بانكتىڭ قازكوممەرسبانك اكسيالارىن ساتىپ الۋىنىڭ جۇزەگە اسۋ مۇمكىندىگى 80 پايىز.

ايتا كەتەتىن بولساق، وس ۋاقىتتا قازاقستان ۇلتتىق بانكى ءتوراعاسىنىڭ ورىنباسارى ولەگ سمولياكوۆ «قازاقستان حالىق بانكى» اق-تىڭ «قازكوممەرسبانك» اق-تىڭ اكسيالار پاكەتىن ساتىپ الۋى بويىنشا الەۋەتتى مامىلەسىنە تۇسىنىكتەمە بەردى.

ءبىرىنشى كەزەكتە  و. سمولياكوۆ «زاڭنامانىڭ تالاپتارىنا سايكەس الەۋەتتى مامىلەنى ىسكە اسىرۋ بانكتەردىڭ دەپوزيتورلارىنىڭ،  كرەديتورلارىنىڭ، وزگە دە كليەنتتەرىنىڭ جانە قارسى اگەنتتەرىنىڭ  حالىقارالىق مىندەتتەمەلەردى قوسا العاندا، شارتتار بويىنشا قۇقىقتار مەن زاڭدى مۇددەلەرىن ساقتاعان جاعدايدا عانا مۇمكىن بولادى» دەپ اتاپ ءوتتى. «حالىق بانكىنىڭ «قازكوممەرسبانك» اق-تىڭ اكسيالارىن ساتىپ الۋ بويىنشا الەۋەتتى مامىلەنى ىسكە اسىرۋ ءۇشىن ۇلتتىق بانكتىڭ جانە حالىق بانكىنىڭ تاراپىنان «قازكوممەرسبانك» اق اكتيۆتەرىنىڭ ساپاسىنا بىرلەسكەن تاۋەلسىز تەكسەرۋ جۇرگىزۋ قاجەت. الەۋەتتى مامىلەنىڭ ساندىق ولشەمدەرى الىنعان اقپاراتتى جاريا اشۋ ارقىلى تاۋەلسىز تەكسەرۋ ناتيجەلەرىن العاننان كەيىن ايقىندالاتىن بولادى»، - دەدى و. سمولياكوۆ.

ول سونداي-اق «قازكوممەرسبانك» اق-تىڭ ۇزدىكسىز قىزمەتىن قامتاماسىز ەتۋ ءۇشىن جەتكىلىكتى دەڭگەيگە دەيىن «قازكوممەرسبانك» اق-تى قوسىمشا كاپيتالداندىرۋ حالىق بانكىنىڭ «قازكوممەرسبانك» اق-تىڭ كاپيتالىنا ىقتيمال كىرۋىنە بازالىق تالاپ بولىپ تابىلاتىنىن»، - اتاپ ءوتتى.

و. سمولياكوۆ «قازكوممەرسبانك» اق-تىڭ كرەديتتىك پورتفەلىنىڭ ايتارلىقتاي ۇلەسى (50%-دان استام) «بتا بانك» اق-تىڭ مىندەتتەمەلەرىن بىلدىرەتىنىنە باسا نازار اۋداردى. بۇل رەتتە «بتا بانكتىڭ» اكتيۆتەرى قۇندى قالپىنا كەلتىرۋدىڭ ۇزاق ارالىعىنا يە اكتيۆتەرگە جاتادى. سونىڭ سالدارىنان، ولاردى «قازكوممەرسبانك» اق-تىڭ ۇستاپ تۇرۋى ءۇشىن قارجى اعىندارىنىڭ جەتكىلىكتى دەڭگەيىن قالىپتاستىرمايدى. سوندىقتان «قازكوممەرسبانك» اق-تىڭ قارجىلىق ورنىقتىلىعىن قامتاماسىز ەتۋ ءۇشىن، و. سمولياكوۆتىڭ ايتۋىنشا، ءبىرىنشى كەزەڭدە بتا بانكتىڭ اكتيۆتەرىن «قازكوممەرسبانك» اق-تان وقشاۋلاۋ قاجەت. بۇل كەزەڭدە «پروبلەمالىق كرەديتتەر قورى» وپەراتور بولىپ تابىلادى. ودان ءارى بۇل اكتيۆتەردى مەملەكەتتىك-جەكە ارىپتەستىك جوبالارىنىڭ، ونىڭ ىشىندە وڭىرلىك دامۋ باعدارلامالارىنىڭ شەڭبەرىندە ەكونوميكالىق اينالىمعا تارتۋدى قامتاماسىز ەتۋ قاجەت.

ەسكە سالا كەتسەك، بۇعان دەيىن ۇلتتىق بانكتىڭ ق ر ۇكىمەتى، ق ر ۇلتتىق بانكى، «سامۇرىق-قازىنا» ءۇاق» اق، «پروبلەمالىق كرەديتتەر قورى» اق، «قازكوممەرسبانك» اق (ككب) جانە ونىڭ ءىرى اكسيونەرلەرى، «قازاقستان حالىق بانكى» اق (حالىق بانكى) جانە «بتا بانك» اق (بتا بانك) اراسىنداعى «قازكوممەرسبانك» اق اكسيالار پاكەتىن ساتىپ الۋ بويىنشا الەۋەتتى مامىلە تۋرالى ءوزارا تۇسىنىستىك تۋرالى مەموراندۋمعا قول قويىلعاندىعى تۋرالى حابارلانعان.

«قازكوممەرسبانك» اق اۋقىمدى فيليال جەلىسى، زاڭدى جانە جەكە تۇلعالاردىڭ ۇلكەن كليەنتتىك بازاسى، ايتارلىقتاي دەپوزيتتىك بازاسى جانە تولەم جانە بانكارالىق نارىقتاردا ەداۋىر ۇلەسى بار قازاقستان رەسپۋبليكاسىنىڭ اسا ءىرى جۇيە قۇراۋشى بانكى بولىپ تابىلادى. ايتا كەتەرلىگى، «پروبلەمالىق كرەديتتەر قورى» اكسيونەرلىك قوعامى قازاقستان رەسپۋبليكاسى ۇكىمەتىنىڭ مەنشىگىنە بەرىلگەن. قور قىزمەتىنىڭ نەگىزگى ماقساتى - ۋاكىلەتتى ورگاننىڭ نورماتيۆتىك قۇقىقتىق اكتىلەرىنىڭ تالاپتارىنا سايكەس ەكىنشى دەڭگەيدەگى بانكتەردىڭ كرەديتتىك پورتفەلدەرىنىڭ ساپاسىن جاقسارتۋعا باعىتتالعان شارالاردى ىسكە اسىرۋ بولىپ تابىلادى. «پروبلەمالىق كرەديتتەر قورى» اق قىزمەتىنىڭ  نەگىزگى تۇرلەرى ەكىنشى دەڭگەيدەگى بانكتەردىڭ پروبلەمالىق كرەديتتەرىن ساتىپ الۋ؛ ەكىنشى دەڭگەيدەگى بانكتەردىڭ ساتىپ الىنعان اكتيۆتەرىن باسقارۋ؛ ءوز قىزمەتىن قارجىلاندىرۋ ءۇشىن بورىشتىق باعالى قاعازداردى شىعارۋ بولىپ تابىلادى.